Intervista/ Kadaj: Pse hodha gaz
lotsjellës në Kuvendin e Kosovës

Deputetja e Kuvendit të Kosovës, Donika Kadaj Bujupi, e polemizuar ditët e fundit për hedhjen e gazit lotsjellës në sallën e Kuvendit, shpjegon në një intervistë për gazetën “Shqiptarja.com” arsyet se pse kreu një veprim të tillë që më pas u ndoq edhe nga disa deputetët të tjerë të opozitës. Sipas saj, këto veprime të opozitës mund të jenë të pahijshme, pro janë të domosdoshme kur kanë përballë një qeveri që nuk negocion dhe nuk bën hapa mbrapa.

Kryetarja e grupit parlamentar të Partisë Aleanca për Ardhmërinë e Kosovës, shpjegon dhe akuzat ndaj kreut të partisë së saj, Ramush Haradinaj, duke thënë se pamjet e transmetuara nga salla e kuvendit janë keqkuptuar, pasi Haradinaj po pinte çaj dhe jo alkool me kolegët e tij. Sipas deputetes opozitare, nuk ka tërheqje të pakicës deri në plotësimin e kushteve të tyre, për anulimin e marrëveshjes mes Serbisë dhe Kosovës për asociacionin e komunave. Në këtë drejtim, deputetja Kadaj kërkon një qëndrim më të drejtë të Tiranës zyrtare dhe të partnerëve të tjerë ndërkombëtarë.