Intervista/ Valeria Bardhaj: Unë
shqiptarja e parë trajnuese e NATO

TIRANE- Ajo është vetëm 22 vjeçe, por pasioni dhe ëndrrat e saj e kanë bërë të arrijnë, atë që pak të rinj mund ta prekin. Edhe pse prej kohësh ka sprovuar veten në shumë projekte, ky i fundit ishte kryefjala e ëndrrave të saj. ”Joint Reaction” është një projekt i cili vjen si bashkëpunim i NATO-s dhe agjencisë amerikane DTRA (Defense Threat Reduction Agency), ku Valeria ishte shqiptarja e parë e cila përfaqësoi Shqipërinë në Ukrainë për disa ditë me radhë, duke trajnuar zyrën e shtypit të Departamentit të Emegjencave Civile në Ukrainë dhe studentët e gazetarisë atje në fushën e medias. E emocionuar dhe plot ëndrra të cilat sipas saj tashmë kanë marrë rrugën e duhur, Valeria Bardhaj tregon një rrugëtim të shkurtër, por me një fillim të mbarë.