POP 5

Lajmet më të lexuara të 5 minutave të fundit

Ekonomi

Intesa SanPaolo edhe në
Berat: Ja shërbimet tona

Nga data 1 Mars, 2013 Banka Intesa Sanpaolo do të ofrojë shërbimet e saj për klientët individë e korporata në qytetin e Beratit. Dega ndodhet në zonën e këmbësorëve në Bulevardin “Republika”, Lagjja “22 Tetori”.
BERAT - Nga data 1 Mars, 2013 Banka Intesa Sanpaolo do të ofrojë shërbimet e saj për klientët individë e korporata në qytetin e Beratit. Dega ndodhet në zonën e këmbësorëve në Bulevardin “Republika”, Lagjja “22 Tetori” dhe do të jetë në shërbim të individëve, biznesit të vogël, të mesëm dhe korporatave. Qyteti i Beratit me një popullsi mbi 70.000 banorë u përzgjodh për zgjerimin e rrjetit të Bankës Intesa Sanpaolo e cila gëzon një prezencë të fortë në pjesën më të madhe të zonave më të rëndësishme urbane, në Shqipërinë qendrore, jugore dhe veri-perëndimore.

Në përshëndetjen e tij gjatë ceremonisë së hapjes, Drejtori i Përgjithshëm Ekzekutiv i Bankës, zoti Alexander Resch, theksoi vlerat historike dhe traditën ekonomike të këtij qyteti, që i ofron mundësinë Bankës për të forcuar prezencën e saj në Shqipëri. Banka Intesa Sanpaolo përfaqëson një nga investimet më të rëndësishme italiane në vend. Ambasadori i Republikës së Italisë në Shqipëri, Massimo Gaiani, mori pjesë në këtë event.

Intesa Sanpaolo Bank Albania ushtron aktivitetin e saj në vend që nga viti 2008, pas blerjes së dy prej bankave më kryesore në vend . Banka është një nga bankat kryesore në Shqipëri për sa i përket nivelit të depozitave dhe kreditimit. Banka ofron shërbimet e saj mbi 143.000 klientëve nëpërmjet një rrjeti prej 32 degë. Banka i përket Grupit Intesa Sanpaolo, i cili është ndër grupet kryesore bankare në eurozonë dhe synon të bëhet baza e krahasimit për krijimin e vlerës në sistemin bankar Europian. Ai kryeson në Itali në të gjitha fushat e biznesit (shërbime dhe produkte bankare për individët, korporatat, menaxhimin e pasurive dhe pronës). Grupi ofron shërbimet e tij për 10.8 milion klientë përmes një rrjeti me afërsisht 5,500 degë në Itali. Intesa Sanpaolo ka një prezencë të përzgjedhur në Europën Qendrore Lindore dhe në Lindjen e Mesme dhe Afrikën e Veriut me mbi 1,500 degë dhe 8.3 milion klientë të cilët i përkasin filialeve të Grupit që ushtrojnë aktivitetin e tyre bankar për individët dhe kompanitë në 12 vende.

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Aksident në Bulqizë, shoferi humb kontrollin e automjetit dhe përplaset me kollonën e mbikalimit (VIDEO)

Aksident në Bulqizë, shoferi humb kontrollin e automjetit dhe përplaset me kollonën e mbikalimit (VIDEO)

16 Janar, 16:50