POP 5

Lajmet më të lexuara të 5 minutave të fundit

Kultura

Inva Mula zbulon risitë e Festivalit të 57-të të RTSH: Nata e dytë performancë, si në Eurosong

Zbulohen risitë e Festivalit të 57-të të Këngës në Radio Televizionin Publik Shqiptar. Sopranoja Inva Mula, drejtoreshë artistike e festivalit rrëfen se si do të jenë tre netët, që do të ngjiten në skenë të gjithë këngëtarët. Gjatë natës së dytë artistët do të performojnë, si në Eurosong

Festivali i 57-të i Këngës në Radio Televizionin Publik Shqiptar nis punën. 22 këngët do të ngjiten në skenë tre net. Sopranoja, Inva Mula, e cila është edhe drejtoreshë artistike në këtë edicion rrëfen arsyet, se përse vendosi që t’i bashkohet festivalit, por edhe risitë që do të ketë ky edicion

 Jemi në një proces pune që ka nisur prej një muaji dhe përfundon me mbylljen e siparit në natën e tretë të Festivalit. Ky proces fillon me një rrugëtim shumë të bukur. Unë jam mëse e lumtur që m’u propozua që të jem pjesë e festivalit për shumë arsye. Dashurinë e parë me skenën e kam me këngën, prandaj jam shumë e ndjeshme ndaj këngës. Kam pasur përherë dëshirën që ta këndoj, thënë kjo jam shumë e afërt me të gjithë pjesëmarrësit e festivalit. Jemi me mendimin që të sjellim diçka ndryshe. Objektivi i caktuar është që të rikthejmë freskinë drejt një publiku, që të kthehet vëmendja një javë para festave në RTSH. Të ndjek festivalin edhe të mërmëris këngët më të bukura të tij.

Inva Mula

A do të dëgjohen këngët paraprakisht?

Do të kemi tre net, të cilat nuk do t’i ngjajnë njëra-tjetrës. Nata e parë shpalos 22 këngë që janë në garë me versionin klasik apo atë origjinal që kanë. Nata e dytë do të jetë nata e performancës, sepse këngët duhet që të dëgjohen edhe në një sonaritet tjetër, që të na afrojnë drejtë së njëjës këngë në mënyrë tjetër. Nuk ndryshon në vijën melodike.

Inva Mula

Komisioni që ka përzgjedhur këngët përbëhet nga Inva Mula (soprano), Nestor Kraja (kompozitor) Martin Leka (zv.drejtor i Përgjithshëm në RTSH), Sokol Marsi (producent artistik), Bledar Laço (regjisor) dhe Pandi Laço (skenarist). Festivali zhvillohet në datat 20-21 dhe 22 dhjetor.

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51