POP 5

Lajmet më të lexuara të 5 minutave të fundit

Kronikë

Invalidët protestojnë para bashkisë
Kamëz, policët e Mziut i dhunojnë

Një grup personash para dhe tetraplegjike që jetojnë në Kamëz kanë protestuar para tre ditësh përpara kësaj bashkie, pasi sipas tyre iu janë vonuar pensionet dhe për disa problematika të tjera që ata kishin.
Disa persona me aftësi të kufizuara që banojnë në Kamëz, kanë protestuar para bashkisë për vonesën e pensioneve dhe të tjera problematika që ka kjo kategori. Ata akuzojnë kryetarin e bashkisë, Xhelal Mziu, se jo vetëm nuk i ka pritur në zyrë, por edhe se ka ushtruar dhunë ndaj tyre.

Përmes një videoje, e cila është bërë publike në rrjetet sociale, para dhe tetraplegjikët akuzojnë se policët i kanë larguar me forcë invalidët në karrige me rrota, të cilët po protestonin. Ata tregojnë se kryebashkiaku edhe pse ishte në zyrë, nuk i ka dëgjuar, por ka urdhëruar të ushtrohet dhunë.

Prej kohësh kategoria e personave me aftësi të kufizuara në këtë zonë, ankohet për vonesa të pensioneve, mungesë të infrastrukturës së përshtatshme dhe injorim nga ana e bashkisë. Rasti i fundit ku kryebashkiaku Mziu, edhe pse ishte në zyrë nuk i ka pritur, i ka irrituar ata, të cilët për disa minuta i kanë bllokuar derën e këtij institucioni.

dy.b/shqiptarja.com

 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55