52-vjeçari me aftësi fizike të kufizuara, gjatë një krize të shkaktuar nga mungesa e drogës në trup, kishte hyrë me karrigen e tij me rrota në një dyqan fruta-perimesh në rrugën Andersen, në zonën Torrevecchia, duke pretenduar 20 euro nga pronari i dyqanit, një egjiptian 30-vjeçar.
Pas refuzimit, grabitësi ka nxjerrë një thikë të madhe kasapësh që kishte fshehur brenda karriges me rrota dhe kërcënoi gruan dhe dy fëmijët e pronarit. Në atë moment egjiptiani ka njoftuar Karabinierët të cilët ndërhynë duke çarmatosur autorin.
Për shkak të gjendjes së tij shëndetësore, 52-vjeçari është lënë i lirë por gjithsesi do t’i duhet të mbrohet nga akuza për vjedhje.
(im/shqiptarja.com)