INVESTIGIMI/ Dosja voluminoze: Lidhja e PD me krimin e organizuar rus, kushëririn e Putinit dhe armët siriane

Ajo që dimë për financimet e paligjshme të fushatës së Partisë Demokratike në zgjedhjet e vitit 2017 nga oligarkë rusë të lidhur me Kremlinin është vetëm maja e ajsbergut.

“Lexo.al” sjell për herë të parë ditën e sotme një dosje voluminoze, me dokumenta të “Panama Papers”, si dhe me të dhëna të tjera zyrtare midis të cilave edhe ato të Departamentit Amerikan të Drejtësisë që provojnë disa lidhje shumë më shqetësuese të demokratëve.

Midis të tjerave, “Lexo.al” është në gjendje të provojë se “Biniatta Trade LP”, e cila financoi bujarisht fushatën zgjedhore të PD në vitin 2017 (me të paktën 150 mijë USD të provuara nga Departamenti Amerikan i Drejtesise) është e lidhur me kushëririn e Putinit, disa oligarkë rusë në listën e zezë të SHBA-ve, si dhe fshihet, me grupin e kompanive fantazmë të themeluar nga të njëjtët pronarë edhe pas trafikimit të armëve në Siri.

LEXO EDHE:
‘Rama është koka e korrupsionit’, Basha: Shqipëria ka nevojë për ndryshim dhe një qeveri që lufton seriozisht korrupsionin që e ka bërë vendin të pajetueshëm

*Kush është pronari i kompanisë bamirëse të PD*

Në deklarimin zyrtar, “Biniatta Trade” njeh si pronarë të saj nominal dy kompani të regjistruara edhe ato në Belize, “Asverro Coorporation” dhe “Liminez Commerce Inc”.

https://opencorporates.com/companies/gb/SL022707

https://opencorporates.com/companies?q=Biniatta+Trade+LP&utf8=%E2%9C%93

https://beta.companieshouse.gov.uk/officers/JFk0BgNCE7qFzykTO1Ut2o33CZE/appointments

Burimet tona provojnë se “Asverro” dhe “Liminez” janë kompani fantazmë të përdorura nga “LAS International”, një strukturë e ngritur për të pastruar paratë e krimit të organizuar ukrainas, rus e letonez. Hetimi i mëtejshëm provon se “Asverro” dhe “Liminez” janë pronarë të plot 20 kompanive të tjera, 18 të regjistruara në Skoci dhe 2 në Angli.

Mbetet për t’u theksuar, se mësimi kryesor i nxjerrë nga dokumentat sekretë të “Panama Papers” është fakti që shumica e pronarëve të fshehtë të kompanive offshore krijojnë njëkohësisht me dhjetëra kompani dhe ndërrojnë vazhdimisht emrat, për të humbur gjurmët e tyre. Në këtë rast nuk përbën përjashtim as “Biniatta Trade LP”.

*Lidhja me oligarkët rusë*

Njëra prej kompanive të lidhura me dy kompanitë mëmë të “Biniatta” është “ARA Capital LP” , nga ana e saj në pronësi të Arkady Romanovitch Abramovich, djali i oligarkut rus Roman Abramovic. https://en.wikipedia.org/wiki/ARA_Capital.

Lidhje të forta me krimin e organizuar rus dhe ukrainas zbulohen edhe nga lidhja e “Biniatta”, me dy kompani të tjera offshore, të cilat ajo i zotëron “Dexberg” dhe “Montbridge”, që nga ana e tyre zotërojnë “Blackshire United LP” dhe “Contoform LP”, e që besohet e kanë pastruar 10 miliardë USD nga Rusia në skandalin e “Deutsche Bank Mirror Trades”.

https://www.reuters.com/article/us-deutsche-mirrortrade-probe-scheme/the-mirror-trades-that-caught-deutsche-in-russian-web-idUSKBN15F23H

https://www.bloomberg.com/news/articles/2017-06-28/how-mirror-trades-moved-billions-from-russia-quicktake-q-a

*Lidhja me Kremlinin dhe mafian ruse*

*D&M* (e lidhur me Ergoinvest LLP), e cila provohet nga “Panama Papers” gjithashtu si një offshore i lidhur me “Biniatta”, ka lidhje të dyshuara me ish-Presidentin kukull të Ukrainës, Viktor Yanukovich (njeriu i Putinit përpara Revolucionit të Majdanit), si dhe oligarkun Dimitry Firtash, i akuzuar si një prej figurave kryesore të krimit të organizuar rus. Përmes një offshore tjetër, “Highway Investment Processing LLP”, “D & M*, nga ana e saj e lidhur me kompanitë financuese të PD lidhet me ish-ministrin Ukrainas të Energjisë, Juri Boiko, përgjegjës për një aferë korruptive prej 150 milionë dollarësh.

https://www.berlingske.dk/virksomheder/english-version-shady-clients-engaged-in-suspicious-trades-at-danske-bank

https://beta.companieshouse.gov.uk/company/SL031919/filing-history

https://beta.companieshouse.gov.uk/company/OC378276

“Novaya Gazeta”, një prej gazetave më të mëdha të përditshme ukrainase shkruan se “një aferë e një magnitude të tillë nuk mund të realizohej pa bekimin e ish-Presidentit Yanukovich”. http://www.independent.co.uk/news/uk/crime/exclusive-ukrainian-assets-owned-or-used-by-ousted-president-viktor-yanukovych-hidden-behind-trail-9161504.html

Firtash, i lartpërmendur, nga ana e tij është i lidhur direkt me Semyon Mogilevich, që nga një kërkim i thjeshtë në motorët e kërkimit figuron si padrino kryesor i mafias ruse.

Firtash ishte i lidhur ngushtë me Paul Manafort, ish-lobuesin e Trump të dënuar në vitin 2019 me 7.5 vite burg në SHBA në vazhdën e hetimeve për ndikimin rus në zgjedhjet presidenciale të vitit 2016.

https://www.nytimes.com/2019/03/13/us/politics/paul-manafort-sentencing.html

Përmes Manafort, ai tentoi blerjen e hotelit “Drake” në Nju Jork për 850 milionë dollarë, e në këtë marrëveshje partner i tij ishte Oleg Deripaska pronar ose aksioner në disa prej kompanive “binjake” të “Biniatta”, një prej personave më të pasur në Rusi, gjithashtu aktualisht në listën e zezë të SHBA-ve.

https://en.wikipedia.org/wiki/Oleg_Deripaska

*Lidhja me kushëririn e Putin*

Sipas regjistrit tregtar “Biniatta Trade LP” (SHIH ME LART) u themelua në datën 29 shtator 2015 në Skoci. Kompania që depozitoi dokumentacionin dhe ndërmjetësoi për këtë regjistrim ishte “LAS International”, një tjetër kompani offshore, e lidhur nga ana e saj me disa kompani të tjera të zotëruara nga “Biniatta” apo të zotëruara nga të njëjtët pronarë. “LAS International” është e njëjta kompani që kujdeset edhe për interesat e “Putin Consulting”, kompani kjo e themeluar nga një kushëri i Putin.

*Lidhja me trafikun e armëve në Siri*

Në botën e kompanive fantazmë, të krijuara për një qëllim të vetëm që është pastrimi i parave, është e zakonshme që pronarët e vërtetë të hapin njëkohësisht me dhjetëra kompani dhe të ndërrojnë vazhdimisht emrat e tyre për të humbur gjurmët.

Dokumente të siguruara në vijim të skandalit të “Panama Papers” tregojnë se faqja e internetit të “Biniatta” është identike, me atë të një kompanie tjetër të quajtur “Countline and Formway”, që nga ana e tyre kanë zotëruar “Countform LLP”. Kompanitë e lartpërmendura janë krijuar prej “Commonwealth Trust Limited” (CTL), që sipas burimeve të besueshme, është ndërmjetëse për ngritjen e skemave piramidale përmes 23 kompanive të tjera offshore, me qëllim pastrimin e parave të krimit të organizuar.

Midis të tjerave, CTL është e lidhur me “Balec Ventures Inc.” dhe “Quartell Trading Ltd”. Sipas Departamentit Amerikan të Drejtësisë, kjo e dyta ka lidhje të qarta me krimin e organizuar dhe ka shërbyer për të vjedhur para në skandalin e “Hermitage Capital”. “Balec”, e cila ka përfituar para nga “Quartell” është në pronësi të Issa al-Zeydi, një shtetas rus, i vendosur në “listën e zezë” të Departamentit Amerikan të Drejtësisë në vitin 2014, për lidhjen e tij me trafikun e armëve në Siri.

https://www.independent.co.uk/news/uk/crime/exclusive-ukrainian-assets-owned-or-used-by-ousted-president-viktor-yanukovych-hidden-behind-trail-9161504.html

https://www.forbes.com/sites/kenrapoza/2017/10/16/ukraines-most-wanted-oligarch-dmitry-firtash/#131d18361ba5

https://www.nbcnews.com/news/us-news/doj-ex-manafort-associate-firtash-top-tier-comrade-russian-mobsters-n786806

https://wikileaks.org/plusd/cables/08KYIV2414_a.html

https://beta.companieshouse.gov.uk/company/OC342041/filing-history?page=1

Këto janë vetëm disa nga lidhjet e provuara përmes dokumentave eksluzivë të siguruara nga “Lexo.al”.

*Lidhja e provuar e PD me Biniatta Trade*

Disa muaj pas zgjedhjeve të vitit 2017, Prokuroria e Tiranës nisi një investigim, të parin e këtij lloji në Shqipëri, në lidhje me financimet e paligjshme të Partisë Demokratike nga parajsat fiskale.

Në mars të vitit 2019, në lidhje me këtë çështje Prokuroria shprehej se dosja është ende në hetim, ndërsa zbuloi dy letër porositë që kanë ardhur nga SHBA dhe Skocia.

Sipas deklaratës së Prokurorisë, i gjithë hetimi është i bazuar në prova se Partia Demokratike ka fshehur financimin, duke deklaruar në formularin e financimit të fushatës vetëm 25 mijë dollarë nga më shumë se 650 mijë të faktuara si të paguara tek lobuesit amerikanë.

https://shqiptarja.com/lajm/akuzat-per-lobim-pd-prokuroria-po-perdoret-politikisht

Partia Demokratike iu përgjigj kësaj deklarate duke pretenduar se ajo është duke u sulmuar politikisht. Vetë Lulzim Basha ka mohuar çdo përgjegjësi personale apo morale në lidhje me këtë skanadal, por në çdo rast ka refuzuar të përgjigjet mbi deklaratat publike, disa prej të cilave mbajnë firmën e tij, të publikuara nga Departamenti Amerikan i Drejtësisë (DAD).

Mbi bazën e ligjit amerikan është krijuar një procedurë e quajtur “Foreign Agents Registration Act” (FARA), ku të gjithë lobuesit e regjistruar në SHBA detyrohen të deklarojnë burimin e të ardhurave të tyre për të gjithë aktivitetet që kryejnë jashtë vendit.

Në fund të marsit 2017, lobuesi Muzin/Stonington depozitoi në FARA një kontratë “për përfaqësimin e vizionit dhe qëllimeve politike të Partisë Demokratike Shqiptare”, mbi bazën e të cilës PD zotohej të paguante tre këste me vlerë prej 25 mijë USD secili, në harkun e tre muajve.

https://efile.fara.gov/docs/6414-Exhibit-AB-20170331-1.pdf

Kontrata e lexueshme në linkun e mësipërm mban firmën e vetë Lulzim Bashës.

Megjithatë, 8 muaj më pas, në 14 nëntor të vitit 2017, Muzin/Stonington paraqiti një kontratë të ndryshuar, mbi bazën e të cilës deklaronte se ka përfituar shuma shtesë të paguara nga “Biniatta Trade”, një kompani fantazmë e regjistruar në Belize, për llogari të Partisë Demokratike.

https://efile.fara.gov/docs/6414-Amendment-20171114-2.pdf

Në total, Muzin/Stonington, në formularin e korrigjuar të paraqitur në FARA, deklaroi në Departamentin Amerikan të Drejtësisë përfitimin e 675 mijë dollarëve nga ana e Partisë Demokratike, midis të cilave edhe 150 mijë USD me prejardhje nga “Biniatta Trade”.

https://efile.fara.gov/docs/6414-Exhibit-AB-20171114-2.pdf

Megjithatë, në një deklarim tjetër në lidhje me të ardhurat, Muzin raportoi përfundimisht se përveç 450 mijë USD, ai përfitoi në datën 9 qershor 2017 edhe një pagesë të vetme prej 500 mijë dollarësh nga ana e PD. Besohet se edhe për këtë pagesë është përgjegjëse “Biniatta Trade” dhe personat që qëndrojnë pas saj, edhe pse ajo u realizua formalisht nga llogaria e PD, një parti që zyrtarisht kishte një fond prej më pak se 500 mijë USD për të mbuluar të gjithë shpenzimet e fushatës së vitit 2017, ndaj edhe e kishte të pamundur të përballonte ajo vetë këtë pagesë.

Një tjetër pagesë prej 150 mijë dollarësh u pagua edhe ndaj një firme tjetër lobimi, Barnes & Thornburg, edhe kjo e padeklaruar në KQZ nga PD. https://efile.fara.gov/docs/6417-Exhibit-AB-20170414-1.pdf.

Për këtë arsye, në total, pagesat e PD ndaj lobuesve amerikanë arrijnë në mbi 1 milionë dollarë, nga të cilat PD ka deklaruar vetëm 25 mijë në KQZ. Megjithatë, në të gjithë këtë skandal, fshehja e të ardhurave është problemi më i vogël./LEXO.AL

TAG:
• kqz
• lulzim basha
• lobimi rus per pd
• Biniatta Trade LP
• Panama Papers
• Putin Consulting

Sondazhi i ditës:

Si ka qene per ju viti 2024?

• I mire

  43.7%

• I keq

  22.6%

• As i mire as i keq

  33.7%

Vota total: 1640

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq