TIRANË- Një kompani që operon në tregun e shërbimeve shëndetësore private dhe që ka një kapital negativ prej 60 milionë lekësh, u shit për një shumë prej 85 milionë lekësh nga fondacioni Firdeus te Kryegjyshata Bektashiane në një biznes që dukshëm nuk bën sens ekonomik por që tregon fuqinë financiare të organizatave bamirëse dhe komunitetve fetare.
Në nëntor 2019, fondacioni bamirës “Firdeus” i drejtuar nga hoxha popullor Elvis Naçi, tërhoqi vëmendjen mediatike kur u zbulua se pati blerë 100% të aksioneve të një spitali privat të vogël me emrin Continental për një shumë prej 350 mijë eurosh. Hoxha flambojant që grumbullon donacione në ndihmë të të varfërve, u ekspozua në këtë rast për fuqinë financiare të fondacionit Firdeus. Naçi u mbrojt duke argumentuar se spitali do të shërbejë, mes të tjerash për të ofruar shërbim shëndetësor për njerëzit e varfër. Por ajo që nuk u vu re në atë kohë ishte gjendja financiare e kompanisë që u ble për këtë shumë.
Spitali Continental në fakt rezulton një sipërmarrje me humbje të vazhdueshme financiare, sipas të dhënave të kompanisë të publikuara në Qendrën Kombëtare të Biznesit dhe bilanci i publikuar për vitin 2020 tregon se kompania ka vijuar të humbasë shuma të mëdha parash edhe pas blerjes nga Firdeus. Këto humbje që arrijnë në total 160 milionë lekë dhe që kanë ngrënë të gjithë kapitalin themeltar të kompanisë, nuk e penguan Kryegjyshatën të paguajë një shumë të konsiderueshme për blerjen e saj, në një blerje që nuk bën shumë sens nga pikëpamja ekonomike por që dukshëm reflekton fuqinë financiare të organizatave bamirëse.
Continental është krijuar si kompani në vitin 2015 me kapital themeltar prej 100 milionë lekësh ndërsa në vitin e parë të operimit më 2016, humbi 55.6 milionë lekë. Humbjet ishin 55 milionë lekë të tjera në vitin 2017, ndërsa kompania doli me një fitim minimal prej 3.5 milionë lekësh në vitin 2018. Më 2019, kompania humbi 29 milionë lekë të tjera për një total humbjesh të akumuluara prej 111 milionë lekësh. Kjo ishte kompania që u ble nga fondacioni Firdeus për 350 mijë euro apo 42 milionë lekë, një kompani që kishte humbur të gjithë kapitalin fillestar prej 100 milionë lekësh plus para të tjera të marra hua.
Menaxhimi i ri nuk solli ndonjë ndryshim shumë të madh. Në vitin 2020, humbjet e kompanisë Continental ishin 23 milionë lekë ndërsa kapitali themeltar i kompanisë ishte minus 60 milionë lekë.
Kriza e pandemisë që goditi Shqipërinë në vitin 2020 dhe që në përgjithësi ndihmoi shërbimet spitalore e në veçanti, shërbimet diagnostikuese të bënin para të majme, duket se nuk e ndihmoi shumë spitalin Continental. Sipas të dhënave të saj të bilancit, kompania pati të ardhura prej 234 milionë lekësh vitin e kaluar me një rritje 9% në krahasim me vitin 2019 por kjo nuk ndihmoi për të nxjerrë kompaninë nga humbjet.
Këto humbje maramendëse dhe të vijueshme përgjatë shumë viteve nuk e penguan Kryegjyshatët Botërore Bektashiane të firmoste një kontratë për ta blerë spitalin për 85 milionë lekë. Kontrata u firmos nga Haxhi Baba Edmond Brahimaj për blerësin dhe Ilir Naçi, drejtor ekzekutiv i fondacionit Firdeus për shitësin. Blerësi do të duhet të shpresojë që kompania do të realizojë fitime neto prej së paku 145 milionë lekësh për të mbuluar humbjet e akumuluara dhe për të shlyer çmimin e paguar për blerjen.(BIRN)
Komente
Lajme të tjera
-
Ruhet me truproja/ Baba Mondi intervistë për ‘Jerusalem Post’: Gati për shtetin Bektashi, të mos humbet kohë! E quaj veten vëlla të popullit të Izraelit!
13 Tetor, 16:13 -
Dritan Hila: Lëreni Iranin, Turqinë dhe Arabinë Saudite t’i hajë meraku, një sqarim për meraklinjtë e unitetit fetar të shqiptarëve
26 Shtator, 10:58
-
Iniciativa për sovranitetin e Urdhrit Bektashi, Kryegjyshata: Do të fitojë sovranitet të ngjashëm me Vatikanin! Moment historik për tolerancën fetare
22 Shtator, 18:39 -
Shpërndahen banesat në lagjen e re në Pezë, Veliaj: Shumë shpejt shorti për shtëpitë në Kombinat
17 Shkurt, 17:48 -
Qeveria cakton 1 milionë euro për komunitetet fetare! Subvencionohet gjysma e pagës minimale të punonjësve buxhetorë
24 Maj 2023, 16:19 -
Besimtarët bektashinj kremtojnë ditën e Ashures! Kryegjyshi: Të jetojmë në paqe! Besimtari: Agjeroj që kur isha i vogël
9 Gusht 2022, 17:21
-
Veliaj: Kemi ndërtuar 40 shkolla të reja në Tiranë, 12 i hapim këtë vit shkollor! Rekord që i jep fund mësimit me dy turne
9 Gusht 2022, 15:32 -
Hoxha i veshjeve firmato, Elvis Naçi ‘bamirës’ edhe me familjaret e tij! E bija vesh bluzë 700 dollarë
27 Nëntor 2021, 21:58 -
Hoxha me biznese, Elvis Naçi: Spitalin do ia shes Kryegjyshatës Botërore Bektashiane për 850 milionë lekë, paratë do i përdor për të zgjidhur hallet e shqiptarëve
7 Tetor 2021, 21:17 -
Lista e zezë/ Elvis Naçit i ndalohet hyrja në Amerikë?
26 Korrik 2021, 09:42
-
Si dita me natën, të dua Dua, të neveris Elvis!
24 Korrik 2021, 17:24
-
Grupi i PD bllokon shpërndarjen e ushqimeve për iftar në Vaqarr, hetohet për plagosje Florenc Hoxha! 'Do ta bëj trupim vrima, vrima', i kërcënuari: Si më goditi në makinë
22 Prill 2021, 09:46
Po del qe Enver Hoxha se ka pas krejt keq jo.
PërgjigjuEnveri paska pasur te drejte jo vetem per keta qelbaniket e fese, por paska pasur te drejte per cdo gje. Sic Po e shikojme si krijohen pasurite, ashtu i kane krijuar dhe dikur ata pasaniket e atehershem, ne mos vete ata, gjysherit e tyre kane shfrytezuar njerezit, kane vjedhur, kane vrare.., etj..
Çudira shqiptare. Baba Mondi pijaneci botëror i bektashinjve, blen spitalin e Elvis Naçit, imamit ortodoks të Albanistanit.
PërgjigjuKrimi fetar dhe ai shtetror janë bashkë...
PërgjigjuKa bere pastrim parash nuk diskuohe
PërgjigjuKu i buron gjithe kjo pasuri nje institucioni fetar? Ju a solli sulltani?
Përgjigju