Investigimi i medias britanike për kalimin ilegal të emigrantëve shqiptarë me gomone, avokati për Report Tv: Shifrat janë reduktuar por qeveria shqiptare t’i japë zgjidhje

Avokati shqiptar në Britaninë e Madhe, Naim Hasani ka folur sot për investigimin e kryer nga gazetarët britanikë lidhur me kontrabandistët shqiptarë në Britaninë e Madhe.

Në një lidhje me gazetarin Arbër Hitaj, Hasani theksoi se investigimin e pa me keqardhje por theksoi se shqiptarët nuk janë të vetmit protagonistë të botës së krimit.

“E pashë me keqardhje investigimin e gazetës ‘AlExpress’ sepse ajo nxjerr një anë të padëshiruar të shqiptarëve. Unë dua të theksoj se banda ka nga çdo vend i botës jo vetëm nga Shqipëria. Përgjigja më e mrioë ndaj kriminelëve, trafikantëve që organizojnë këtë aktivitet është dypalësh. Të investohen autoritetet britanike dhe t’i vënë përpara drejtësisë. Qeveria shqiptare duhet të veprojnë menjëherë për të ndalur këtë fenomen shkatërrimtar. Krijojini mundësitë qytetarëve shqiptarë që ata të kenë mundësinë të vijojnë jetën e tyre në Shqipëri.”- tha avokati Naim Hasani

Avokati shtoi se në dallim me vitin e kaluar, shifrat e kalimit të emigrantëve ilegalë nga La Manshi është shumë herë më i ulët.

“Për fat të mirë nuk kemi të njëjtat shifra me vitin e kaluar, pra kemi një ulje drastike të shqiptarëve të La Manshit. Unë besoj se janë 100 mijë qytetarë shqiptarë që jetojnë në Britani”- tha ai.  

Një profil në rrjetet sociale me emrin “Rrugë Anglie”, ku janë vendosur një logo Anije dhe Avioni, është vetëm një prej grupeve të identifikuara nga një dokumentar si britanikes Daily Express me aktivitet në dërgimin ilegal të emigrantëve shqiptarë në Angli.

Reklamat në rrjetet sociale tregojnë se trafikantët nuk bëjnë asnjë ditë pushim ndërsa pagesa për person ka arritur deri në 3500 paund. “Shqipe, eja nisuni, maksimumi për 12-24 orë do jeni në hotel, nisje çdo ditë shqipe”- shkruhet në një prej reklamave në rrjetet sociale.

G.MO/KT/Shqiptarja.com

TAG:
• Britani e Madhe
• debati per shqiptaret ne britani