Investimet e Huaja Direkte shënuan vlera të reja rekord për tremujorin e dytë dhe të gjithë 6-mujorin e parë të vitit. Sipas të dhënave nga Banka e Shqipërisë, për tremujorin e dytë 2024 vlera e investimeve të huaja direkte arriti në 395 milionë euro, në rritje me 3.4% krahasuar me të njëjtën periudhë të një viti më parë. Për të gjithë 6-mujorin e parë, vlera e përgjithshme e investimeve të huaja direkte arriti në 749 milionë euro, gjithashtu niveli më i lartë historik i regjistruar ndonjëherë për këtë periudhë të vitit.
Vlera e Investimeve të Huaja Direkte paraqitet në rritje me 8% krahasuar me të njëjtën periudhë të një viti më parë.
Rritja e investimeve të huaja direkte edhe për tremujorin e dytë të vitit është mbështetur njëkohësisht nga shtimi i flukseve të reja dhe nga rritja e fitimeve të riinvestuara të investitorëve ekzistues. 52% e totalit të investimeve të huaja direkte ishin injektime të reja të kapitalit, ndërsa 47% ishin fitime të riinvestuara. Megjithatë, në të dhënat progresive të 6-mujorit fitimet e riinvestuara vazhdojnë të mbajnë peshën kryesore në strukturën e investimeve të huaja direkte. Për gjysmën e parë të këtij viti, vlera e fitimeve të riinvestuara nga ndërmarrjet e huaja arriti në 394 milionë euro, 5.3% më shumë krahasuar me të njëjtën periudhë të vitit të kaluar.
Fitimet e riinvestuara përbënin 53% të vlerës totale të investimeve të huaja direkte për 6-mujorin 2024. Sipas Bankës së Shqipërisë, gjatë tremujorit të dytë 2024, flukset valutore hyrëse në formën e investimeve të huaja direkte ishin të përqendruara kryesisht në pasuri të paluajtshme, në masën 25%, sektorin e ndërmjetësimit financiar, në masën 14%, e hidrokarbureve, në masën 13%, e energjetikës, në masën 13%, si dhe komunikacionit, në masën 4%.
Të njëjtët sektorë kishin qenë dominues edhe në tremujorin e parë të vitit, me pasuri të paluajtshme, në masën 23%, sektorin e ndërmjetësimit financiar, në masën 21%, e hidrokarbureve, në masën 13%, e energjetikës, në masën 5%, si dhe komunikacionit, në masën 5%.
Rritja e numrit të turistëve të huaj në vitet e fundit duket se ka rritur paralelisht edhe interesin për të investuar në prona në Shqipëri, veçanërisht në zonat bregdetare. Sipas vlerësimeve nga Shoqata Shqiptare e Pasurive të Paluajtshme (NAREA), veçanërisht në zonat bregdetare të jugut të Shqipërisë blerësit e huaj ose jorezidentë janë dominues, me rreth 70% të transaksioneve të blerjes.
Rritja e fortë e çmimeve të pronave në vitet e fundit i ka bërë pasuritë e paluajtshme edhe një alternativë më tërheqëse për të investuar. Kjo e ka rritur numrin e blerësve që kanë blerë prona jo më për nevoja banimi apo shfrytëzimi familjar, por për qëllime investimi.
Një rol të rëndësishëm po luajnë investimet e vazhdueshme të ndërmarrjeve ekzistuese, sidomos në sektorin financiar dhe në atë të hidrokarbureve. Sektori financiar dhe veçanërisht ai bankar e kanë rritur kontributin e tyre në vitet e fundit, edhe për shkak të rritjes graduale të kërkesave rregullatore për kapital ndaj bankave tregtare./ Monitor
Lajme të tjera
-
Pronat e patundshme rrëmbejnë 25% të investimeve të huaja në Shqipëri, nuk ‘ndalet’ as kredia për blerje pronash
28 Shtator, 19:27
-
Pronat e patundshme “rrëmbejnë” 25% të investimeve të huaja! ‘Turistët’, shtëpi në Tiranë e bregdet
11 Shtator, 16:12
-
Shifrat/ Në janar-mars investimet e huaja arritën në 354 mln euro, ‘triumfojnë’ pasuritë e paluajtshme, ekspertët: Tregu i pronave ‘i lirë’ për të huajit
11 Qershor, 12:57
-
Investimet e huaja vjet arritën afër vlerës 1.5 miliardë euro, pasuritë e paluajtshme sektori i preferuar! Më shumë u investua nga Holanda, Italia e Turqia
25 Mars, 17:35
-
Në 9 muaj investimet e huaja direkte arritën në 1.2 mld euro! Pasuritë e paluajtshme, sektori që po tërheq investitorët
12 Dhjetor 2023, 15:45
-
Në 6-muaj, të huajt investuan në vend 686 mln euro! Industria nxjerrëse fiton terren, shkak Shpiragu! Holanda, Italia dhe Turqia kryesojnë për investimet
25 Shtator 2023, 14:52
-
Fatos Çoçoli: Investimet e huaja, pse po na rriten?
20 Shtator 2023, 08:42
-
Ekonomia dhe biznesi i huaj, debati në 'Studio Live! Crawford: Ka largime të investitorëve, preferohen Serbia e Kroacia! Çoçoli: Më së shumti kemi riinvestime
14 Dhjetor 2022, 19:46 -
Rama nga Holanda: SHELL drejt zbulimit në nëntokën shqiptare një sasi të madhe gazi dhe nafte, mund të ndryshojë të ardhmen e Shqipërisë por edhe të Evropës
5 Korrik 2022, 10:07 -
Në 9 muaj 90 mln € më pak investime të huaja se në 2019! Holanda, Italia e Turqia sjellin më shumë para në Shqipëri
26 Dhjetor 2021, 15:18
-
Investimet e huaja në janar-qershor 2021 arritën në 463 mln euro, në fokus industria nxjerrëse dhe pasuritë e paluajtshme! Holanda në vend të parë vlerën e investimeve
24 Shtator 2021, 19:19
-
Investimet e huaja patën një rritje në gjysmën e parë të këtij viti në Shqipëri
12 Shtator 2021, 08:22
