POP 5

Lajmet më të lexuara të 5 minutave të fundit

Ekonomi

Pronat e patundshme rrëmbejnë 25% të investimeve të huaja në Shqipëri, nuk ‘ndalet’ as kredia për blerje pronash

Të huajit kanë investuar 181 milionë euro në tregun e pasurive të paluajtshme vetëm në gjashtëmujorin e parë të këtij viti. Të dhënat e Bankës së Shqipërisë tregojnë se një në katër investime të huaja është e përqendruar në këtë sektor. Ndërkohë nuk ka të ndaluar as kredia për blerje pronash.

Një në katër investime të huaja në Shqipëri shkon në sektorin e pasurive të paluajtshme. Janë afro 181 milionë euro të investime të huaja direkte që janë hedhur në tregun real-estate, duke bërë që 25% e investimeve që vijnë nga jashtë të përqendrohen në këtë sektor.

Ekspertët e tregut thonë se tregu i pronave është tërheqës për të huajt, pasi ofron çmime të lira për nivelin ekonomik që ata kanë. Ata po blejnë kryesisht në zona të shtrenjta të Tiranës dhe në bregdet, madje edhe i rishesin ato. Afro një e treta e pronave të shitura në vend janë blerë nga shtetas të huaj.

Nga ana tjetër nuk ka të ndaluar as kredia që bankat po japin për këtë sektor. Rreth 38% e kredisë së dhënë nga bankat nga janari deri në qershor ishte për pasuri të paluajtshme, duke bërë që stoku i kredisë për këtë segment të jetë 180 miliardë lekë në fund të gjashtëmujorit.

Përballë çmimeve të larta të banesave qytetarët po ju drejtohen gjithnjë e më shumë bankave për të marrë kredi. Më shumë se 50% e pronave të shitura prej vitit 2020 janë blerë me kredi bankare, që ka mbuluar mbi 60% të vlerës së pronës.

Por ekspozimi i bankave duke dhënë shumë kredi për sektorin e pasurive të paluajtshme do të kufizohet nga Banka e Shqipërisë, për të shmangur rritjen e kredive me probleme.

Bankat kanë nisur raportimin pranë Bankës së Shqipërisë për ekspozimin e tyre në ndaj këtij sektori. Pas analizimit të dhënave banka qendrore në rast rreziku do të caktojë tavane për masën e kredisë që do të japin bankat për blerje pasurie të patundshme.

INVESTIMET NË PASURI TË PALUAJTSHME
Janar-Qershor 2023         127 mln euro
Janar-Qershor 2024         181 mln euro
Rritja                                  +54 mln euro

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Qeveria rishpall tenderin 400 mln euro të Portit të ri Tregtar të Durrësit në Porto Romano

Qeveria rishpall tenderin 400 mln euro të Portit të ri Tregtar të Durrësit në Porto Romano

24 Dhjetor, 19:43