POP 5

Lajmet më të lexuara të 5 minutave të fundit

Ekonomi

Investitorët kanë depozituar 264
milionë € jashtë Shqipërisë

Rreth 264 milionë euro janë transferuar nga kompanitë e huaja, që operojnë në vendin tonë, gjatë vitit 2012, në adresë të shteteve nga ato vijnë. Shifra është 40 për qind më e madhe se në 2011-ën, ndërkohë që ato kanë deklaruar fitime më të ulta
TIRANE - Mëse një çerek miliardi euro kanë “fluturuar” jashtë Shqipërisë nga kompanitë e huaja investiture vitin e kaluar. Të dhënat nga Tatimet dhe Banka e Shqipërisë flasin për atë se kompanitë e mëdha të huaja, kryesisht në telekomunikacion dhe në sektorin bankar (sipërmarrësit më të mëdhenj të huaj në vend) kanë rezultuar me fitime më të ulëta në vitin 2011.

Sistemi bankar rezultoi me një fitim minimal prej 0.7 miliardë lekësh në vitin 2011, nga 6.7 miliardë lekë një vit më parë, sipas të dhënave nga Banka e Shqipërisë. Ndërkohë, në vlerë absolute, kompanitë kryesore të telekomunikacionit kanë fituar rreth 46 milionë euro më pak në vitin 2011, kurse kompania tjetër e madhe CEZ, e cila deri në fund të 2012-s ka qenë në duar e çekëve, ka deklaruar humbje të mëdha për vitin 2011 e 2012.

Megjithatë, kompanitë e huaja, kapitalet e fituara gjatë vitit 2011 i kanë transferuar me sasi më të madhe jashtë, krahasuar me një vit më parë. Sipas të dhënave nga bilanci i pagesave për vitin 2012, zëri “të ardhura dalëse nga investimet”, që kryesisht është transferimi i fitimeve jashtë vendit, shënoi një rritje të ndjeshme me 40% me bazë vjetore, duke arritur në 264 milionë euro e duke iu afruar kështu nivelit të vitit 2008.

Një vit më parë, ky zë kishte shënuar një rënie të ndjeshme prej gati 50 përqindësh. Të huajt janë të lirë ta largojnë fitimin e tyre jashtë Shqipëris, për më tepër kur kompanitë e tyre-mëma kanë vështirësi të mëdha nga kriza, Por, duket se joshja për të riinvestuar në vend fitimin ka qenë e vogël, ndryshe nga sa pretendohet në rrugë zyrtare nga qeveria.

Shumat e larta të transferuara janë një ndër arsyet kryesore që e kanë mbajtur vlerën e euros në nivele të lartë në tregun vendas valutor, madje edhe në tremujorin e parë të këtij viti, kur vlera e monedhës së përbashkët evropiane ra në nivelet më të ulëta të katër muajve të fundit në bursat ndërkombëtare. Tashmë, kompanitë e huaja që veprojnë në Shqipëri kanë filluar të transferojnë fitimet e 2012-s.

Shkrimi u botua sot në gazetën Shqiptarja.com (print) 05.04.2013

Redaksia Online
(b.msjhqiptarja.com)

/Shqiptarja.com
  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Interi propozon shkëmbimin e Kristjan Asllanit me talentin e Serie A

Interi propozon shkëmbimin e Kristjan Asllanit me talentin e Serie A

5 Janar, 22:54