Ende nuk është e qartë pse dhe si ndodhi, por në një moment të caktuar, turma duket sikur u çmend, hapësira përreth tyre u bë vdekjeprurëse, lumi njerëzor ishte i pakontrollueshëm dhe nga shtyrjet e njëri tjetrit, 31 besimtarë shiitë humbën jetën.

Ngjarja e rëndë ndodhi dje në Kerbala në Irak, gjatë riteve për festimin e Ashures, përvjetori më solemn për botën shiite.

Në qytetin e shenjtë, një vend i rëndësishëm pelegrinazhi, afër derës së al-Rayaa, një ferr i papritur dhe i përmasave të mëdha përpiu mijra besimtarë, pavarë, pavarësisht masave të sigurisë dhe një zinxhiri njerëzor që ishin angazhuar për të mbrojtur hyrjen e al-Rayaa.

Veç 31 viktimave, pati dhe mbi 100 të plagosur, disa mjaftë rëndë dhe pritet që numri viktimave mund të përkeqësohet.

Ashura është dita e dhjetë e muajit Muharrem, sipas kalendarit hënor. Sipas një transmetimi të Abdullah bin Abasit, kur profeti Muhamed a.s. erdhi në Medine, vuri re se hebrenjtë mbanin agjërim ditën e ashuras dhe pyeti për shkakun. Ata iu përgjigjën: “Kjo është një ditë e madhe. Në këtë ditë Allahu e shpëtoi Musain dhe popullin e tij nga dhuna e Faraonit. Si falënderim për këtë, profeti Musa e agjëroi. Edhe ne për respekt e agjërojmë”. I dërguari i Allahut a.s. u shpreh: “Ne e nderojmë më shumë se ju profetin Musa a.s.”. Duke mbajtur edhe vetë agjërim urdhëroi popullin e tij të agjërojë ditën e ashuras.