/ATSH-AFP/ - Të paktën 15 persona u vranë dje në dy atentate kamikaze në Kirkuk, në Irak.

Shpërthimet ndodhën rreth orës 18:30 në Sadr City, një lagje shiite në Kirkuk, në veri të Irakut, njoftuan zyrtarët e shërbimeve të shëndetësisë dhe policisë.
"Kjo është një rrugë shumë e frekuentuar, me restorante dhe dyqane, dëmet janë të mëdha", deklaroi një kolonel i policisë. Zyrtari i shërbimeve të shëndetësisë për provinëcn e Kirkukut, Sabah Mohammed Amin, konfirmoi këtë bilanc.

"Një prej atentateve shkaktoi të paktën nëntë të vdekur dhe 25 të plagosur dhe tjetri gjashtë të vdekur dhe 22 të plagosur", bëri të ditur një kolonel policie dhe një burim spitalor./