Irani anulon të gjitha fluturimet gjatë natës, s’po kontakton dot as Komandantin e QUD-s, u nis për Liban! Viktima e sulmit terrorist në Beersheva, ushtare izraelite

Esmail Qani, komandanti i QUD-s në Iran, që nuk po kontaktohet prej një jave

Autoritetet iraniane kanë njoftuar anulimin e fluturimeve në disa prej aeroporteve të vendit për shkak të "kufizimeve operacionale", njoftoi agjencia zyrtare e lajmeve IRNA, pothuajse një javë pasi sulmi i Iranit ndaj Izraelit premtoi hakmarrje.

“Për shkak të kufizimeve operacionale, fluturimet në disa aeroporte në vend do të anulohen nga ora 21:00 (19:00 me orën tonë) të dielën 6 tetor deri në orën 06:30 (04:30) nesër, 7 tetor”, tha Jafar Yazarloo, zëdhënës i Organizatës së Aviacionit Civil, cituar nga IRNA.

LEXO EDHE:
Terroristët e Iranit synonin të sulmonin Athinën, në shënjestër ndërtesa që strehon qendrën hebraike dhe një restorant

Kurse për sulmin e armatosur terrorist në Beersheva, në ambientet e një stacioni autobusi që ndodhi sot në Izrael, autoritetet kanë identifikuar viktimën e vetme, teksa pati edhe 8 të plagosur. Ajo është një ushtare Shira Chaya Soslik, 25 vjeçe, që shërben në policinë kufitare në jug.

Kurse në krahun tjetër, Komandanti i Forcave iraniane Quds, Esmail Qaani, i cili udhëtoi për në Liban pas vrasjes së liderit të Hezbollahut në një sulm izraelit më 27 Shtator, nuk është dëgjuar që nga sulmet në Bejrut javën e kaluar. Këtë i thanë “Reuters”-it dy zyrtarë të lartë për sigurinë iraniane.

Një nga zyrtarët tha se Qaani ishte në periferitë jugore të Bejrutit gjatë një sulmi që thuhet se kishte në shënjestër zyrtarin e lartë të Hezbollahut, Hashem Safieddine.

Lajmi kryesor:

Netanjahu: Marrim hak ndaj Iranit! Teherani i përgjigjet: Mos luaj me zjarrin! IDF sulm në një xhami në Gaza, të paktën 22 të vdekur! Akt terrorist në Izrael, vritet ushtarja e kufirit, 8 të plagosur

A.Q/Shqiptarja.com

TAG:
• Esmail Qaani