Iris Elezi: Si punova me Tinka
Kurtin, aktoren e 97 flmave

TIRANE- Një fllad i ri duket se po fryn për kinemanë shqiptare. Pamja e qeshur e aktores Tinka Kurti të bën ta besosh këtë ndjesi. Sapo janë përfunduar xhirimet e filmit “Bota” me regji dhe skenar të Iris Elezit dhe Thomas Logorecit, që do të shfaqet në festivalin prestigjioz të Karlovy Vary-t që zhvillohet në Çeki, në datat 4-12 Korrik 2014. Filmi “Bota” prezantohet në garën “East of the West” (Produksion i Era Film me bashkëfinancimin e QKK Shqipëri, MIBAC (Ministria e Kulturës Italiane), me mbështetjen e EURIMAGES).

Aktorët që luajnë në këtë film janë: Flonja Kodheli, Artur Gorishti, Fioralba Kryemadhi, Tinka Kurti, Erand Sojli, Guljelm Radoja dhe Alban Ukaj. Në xhirime morën pjesë Ramiro Civita, drejtor fotografie, Walter Fasano montazhier, Shpëtim Baca skenograf, Emir Turkeshi kostumografe. Ky film është i pari që realizohet me bashkëfinancimin e Qendrës Kinematografike të Kosovës! Producentja Sabina Kodra kujton rrugën e gjatë të këtij projekti në shtëpinë filmike Era Film, që ajo e drejton me Edmond Budinën.