Presidenti Bajram Begaj ka uruar Irlandën, e cila nis sot Presidencën gjashtëmujore të Këshillit të Bashkimit Evropian. Në një reagim në rrjete sociale, kreu i shtetit i uroi suksese Presidencës irlandeze, duke theksuar se Shqipëria është e inkurajuar që zgjerimi i BE-së mbetet një nga prioritetet kryesore.

Begaj shprehu shpresën se do të ketë angazhim për ta çuar përpara procesin e anëtarësimit të Shqipërisë në Bashkimin Evropian.

"Jemi të inkurajuar që zgjerimi i Bashkimit Evropian mbetet ndër prioritetet kryesore dhe presim me padurim lidershipin e Irlandës në çuarjen përpara të procesit të anëtarësimit të Shqipërisë në BE. Jemi të bindur se Presidenca irlandeze do të japë një kontribut të vlefshëm në forcimin e unitetit, vlerave të përbashkëta dhe sigurisë së Evropës”, shkruan Begaj.


Lajmi kryesor:

Irlanda merr Presidencën e Këshillit të BE-së, Hoxha përshëndet nisjen e mandatit: Zgjerimi të mbetet prioritet, presim bashkëpunim të ngushtë për negociatat