POP 5

Lajmet më të lexuara të 5 minutave të fundit

Politikë

Ironi Bashës/Patozi-Fugës: Mos
përmend litarin te shtëpia e të varurit

Pas deklaratës së fortë të akademikut Artan Fuga dhe pyetjes se përse opozita nuk reagon për gjithë shqetësimin rreth asaj që ndodh me Akademinë e Shkencave të Shqipërisë, ka reaguar nje zë nga radhët e opozitës, kritiku i fortë i Bashës, ish deputeti i PD, Astrit Patozi.
Ironi Bashës/Patozi-Fugës: Mos<br />përmend litarin te shtëpia e të varurit
Pas deklaratës së fortë të akademikut Artan Fuga dhe pyetjes se përse opozita nuk reagon për gjithë shqetësimin rreth asaj që ndodh me Akademinë e Shkencave të Shqipërisë, ka reaguar nje zë nga radhët e opozitës, kritiku i fortë i Bashës, ish deputeti i PD, Astrit Patozi.

Patozi ironizon Bashën, duke iu drejtuar Fugës se "nuk përmendet litari në shtëpinë e të varurit". 

Postimi i Patozit:
Artan Fuga sot ka shprehur shqetësimin e tij për mungesën e opozitës në debatin për gjendjen e nderë që po kalon Akademia jonë e Shkencave. Duke theksuar përshtypjen negative që i ka shkaktuar ky mosreagim, akademiku rendit një sërë arsyesh që, sipas tij, mund ta kenë yshtur Partinë Demokratike (Lulzim Bashën dmth), të heshtë për këtë çeshtje. Nuk dua të analizoj përfundimet e tij dhe aq më pak të hyj në polemikë me të, por e kam edhe unë nje ide për këtë “mosvëmendje”.
Janë në të gjitha nga pak, Artan, por mendoj se nuk ke përmendur më të rëndësishmen. Akademia e Shkencave do të bëjë zgjedhjet e reja dhe Lulzim Basha nuk flet dot për këtë temë. Po të ishte kohë tjetër, mbase mund ta kishte thënë ndonjë llaf. Sepse nuk përmendet litari në shtëpinë e të varurit.
Vetëm një muaj më parë ai i pesëfishoi votat për kryetar të Partisë Demokratike, sepse i duhej fitore plebishitare brenda llojit, pasi e kishte çuar opozitën drejt katastrofës elektorale.
Ndaj sado të paracaktuara dhe jodemokratike të jenë zgjedhjet në Akademinë e Shkencave ato nuk mund të krahasohen kurrë me votimet ne PD, në të cilat u mbushën masivisht kutitë dhe ku u pa qartazi që dikush mund të votonte edhe 4 herë rresht për të kurorëzuar kryetar Lulzim Bashën.
Ndaj mos e kërko kurrë opozitën (Lulzimin dmth) aty ku nuk mund të jetë, ndërkohë që sado falso të jenë zgjedhjet në Akademinë e Shkencave, dëmi që ato shkaktojnë për vendin nuk mund të jetë asnjëherë më i madh, sesa farsa e shëmtuar zgjedhore e 22 korrikut.

Redaksia Online
l.q/Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça