POP 5

Lajmet më të lexuara të 5 minutave të fundit

Ekonomi

Ish-ministri i financave, Angjeli:
Projektbuxheti 2013, jorealist

Ish-ministri i Financave, prof.dr. Anastas Angjeli, president i Universitetit Mesdhetar të Tiranës ka deklaruar dje se projektbuxheti i shtetit për vitin e ardhshëm, i hartuar nga qeveria Berisha, nuk është realist.
Ish-ministri i financave, Angjeli: <br />Projektbuxheti 2013, jorealist
TIRANE - Ish-ministri i Financave, prof.dr. Anastas Angjeli, president i Universitetit Mesdhetar të Tiranës ka deklaruar dje se projektbuxheti i shtetit për vitin e ardhshëm, i hartuar nga qeveria Berisha, nuk është realist.

Prof. Angjeli, si duket, me një vështrim të parë, drafti i miratuar dy ditë më parë nga qeveria?
Buxheti i paraqitur dhe mënyra se si ai është hartuar, po ashtu si edhe pasqyra e treguesve që ai paraqet, është më jorealisti në këto 4 vitet e fundit. Është për të ardhur keq që një buxhet, në një situatë të tillë që po kalon vendi dhe eurozona, të hartohet me nota tejet optimiste dhe të mos pasqyrojë realitetin, si nga pikëpamja ekonomike dhe ajo financiare.

Ku duken notat jorealiste, sipas jush?
Në 10 muajt që kanë kaluar, situata ekonomike paraqitet e vështirë, në kushtet kur të ardhurat buxhetore janë me mosrealizimin më të madh krahasuar me 3 vitet e mëparshme, shpenzimet për investime nuk janë realizuar dhe tejkalimi i borxhit publik gjithashtu është i dukshëm edhe gjatë këtij viti. Në të njëjtën kohë, e drejta e qeverisë për huamarrje është tejkaluar që në fund të 9-mujorit, ndërsa dhe defiçiti buxhetor është mbi normat e përcaktuara. Duket që kemi një buxhet në letër, një buxhet falso që nuk i përshtatet realitetit.

Shifrat e paraqitura janë në një linjë me vlerësimet e ndërkombëtarëve?
Parashikimet e institucioneve më prestigjioze ekonomike ndërkombëtare, por edhe vetë situata ekonomike reale, këtë vit që jemi dhe vitin që shkoi, flasin për një rritje ekonomike nga 0% në 1%. Në projektin e paraqitur parashikohet që ky vit të mbyllet me një rritje ekonomike 3.1% dhe, në të njëjtën kohë, kërkohet që vitin e ardhshëm të bëhet propozimi mbi bazën e një rritjeje ekonomike prej 4 përqindësh. Kjo është absurde dhe me pasoja shumë të rënda për ekonominë.

Shkrimi u botua në numrin e sotëm të së përditshmes SHQIPTARJA.com
(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54