POP 5

Lajmet më të lexuara të 5 minutave të fundit

Politikë

Ish spiun i sigurimit të shtetit? Partia e Lirisë i ‘ndryshon’ emrin kryetarit, nga Ilir Meta e prezanton tani si Metaj

Dokumentet shtetërore, ish-kreu i shteti i ka firmosur po me këtë mbiemër (Meta) madje edhe ai si të tillë e quante veten “O super budallenj jam Ilir Meta”…mirëpo, kur në skenë dolën dokumente dhe u ngritën dyshime se ai ka qenë spiun i Sigurimit të Shtetit, ish-kreu i shtetit ka ndryshuar qëndrim.

Ish spiun i sigurimit të shtetit? Partia e Lirisë i ‘ndryshon’ emrin kryetarit, nga Ilir Meta e prezanton tani si Metaj

Kryetari i Partisë së Lirisë, Ilir Meta (Metaj) dhe njoftimi

TIRANË- Në të gjithë rrugëtimin e tij politik, ish-presidenti është njohur si Ilir Meta dhe jo Metaj (me J) siç e ka të regjistruar në gjendje civile. Dokumentet shtetërore, ish-kreu i shteti i ka firmosur po me këtë mbiemër (Meta) madje edhe ai si të tillë e quante veten “O super budallenj jam Ilir Meta”…mirëpo, kur në skenë dolën dokumente dhe u ngritën dyshime se ai ka qenë spiun i Sigurimit të Shtetit, ish-presidenti ka ndryshuar qëndrim.

Sot ai e quan veten Ilir MetaJ, madje edhe Partia e Lirisë e ka prezantuar kryetarin e saj me mbiemrin e parë të ish-Presidentit. Në njoftimin e publikuar nga zyra e shtypit ku njoftohet një dalje e kreut të PL-së për mediat, shihet se gjeneralitet e ish-Kreut të Shtetit janë ndryshe nga ç’është njohur gjatë gjithë karrierës së tij politike.

“Përshëndetje! Në orën 13.15 kryetari i Partisë së Lirisë, zoti Ilir Metaj do të ketë një bashkëbisedim me gazetarët. Sinjali nga fibra dhe Facebook-u. Ftojmë të gjithë gazetarët”, thuhet në njoftim.

Një gjë e tillë nuk duket e rastësishme nga ish-presidenti, por si një kundërpërgjigje ndaj akuzave që kanë ardhur në drejtim të tij. Ai e ka mohuar që të ketë qenë spiun i Sigurimit të Shtetit duke akuzuar Autoritetin e Dosjeve se ka manipuluar dokumente, ndonëse këta të fundit me anë të drejtoresësh, Gentiana Sula tha se dokumentet janë autentike. Ai duket se ka gjetur një akses të një pjese të dosjes së ish-sigurimit, që e shënon me inicialet e një spiuni I.M. dhe akuzohet për spiunimin e një shoku të klasës gjatë viteve të diktaturës. Një ditë më parë, Meta (Metaj) publikoi një email anonim që ka mbërritur në Autoritetin e Dosjeve të Sigurimit më 25 korrik ku thotë se kaq ka mjaftuar dhe ka vënë në lëvizje Autoritetin e Dosjeve për të vërtetuar nëse ish Presidenti ka qenë bashkëpunëtor i ish Sigurimit të Shtetit. Për këtë arsye, Meta bëri kallëzim penal në SPAK dhe Prokurorinë e Tiranës për anëtarët e Autoritetit të Dosjeve.

Njoftimi në Whats App i Partisë së Lirisë

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Cubi: 03/09/2022 11:44

    Me emer pa emer spiuni ngelet spiun e ka te shkruar ne ball. Nuk i ben zoti derman u mbush kupa. Vetem nje gje urroj qe Cubi i gjate kete radhe ta ket serjozisht jo si ne rastin e shkarkimit. Po te ishte serjoz sot ai do ishte nje debil president i shkarkuar pa asnje lloj honorari,si nje qen rrugesh.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

26 Dhjetor, 07:53