POP 5

Lajmet më të lexuara të 5 minutave të fundit

Ekonomi

Ish-të përndjekurit, del lista me
1 118 përfituesit e radhës

Ministria e Financave ka përgatitur listën me 1118 ish-të përndjekur që presin të marrin këstin e parë të parave.
Ish-të përndjekurit, kësti I merret në vere, Veliaj: S'bisedoj me ish-shiksa
Greva nr.2, Hoxha i ish-të përndjekurve kërcënon Kryeministrin
TIRANE - Ministria e Financave ka përgatitur listën me 1118 ish-të përndjekur që presin të marrin këstin e parë të parave. Lista e përditësuar është zyrtarizuar nga dikasteri i Financave dhe përfituesit pritet të marrë paratë që përfitojnë në formën e kompensimit, pasi janë ata persona që nuk kanë marrë asnjë këst deri tani dhe janë të parët në listën e përfituesve. Burime zyrtare nga Ministria e Financave bëjnë të ditur se janë në listë për t’u trajtuar edhe një numër i konsiderueshëm përfituesish të cilët kanë mungesa në dokumentacion. Totali i fondit për kompensimin e ish-të përndjekurve për vitin 2014 është 18 milionë dollarë dhe të parët që do të përfitojnë janë personat që kanë vuajtur në burgjet e komunizmit ose në internim dhe që janë gjallë.

 Përfituesit Procedura e shqyrtimit të kërkesave dhe masa e dëmshpërblimit financiar për familjarët e viktimave të  ekzekutuara padrejtësisht pa gjyq, për motive politike, gjatë periudhës 30.11.1944 deri më 01.10.1991, përcaktohet me vendim të Këshillit të Ministrave. Sipas ndryshimeve të fundit ligjore i dënuari ose familjarët e viktimave të dënuara, të ekzekutuara apo të pushkatuara, për të përfituar dëmshpërblim duhet të plotësojnë kriteret e mëposhtme: të jenë dënuar me dënim kapital, heqje lirie, internim dhe dëbim apo të jenë izoluar në hetuesi ose në një institucion mjekësor psikiatrik, për shkak të një vendimi gjykate të formës së prerë, të një akti administrativ apo të urdhrave të hetuesisë, të dhëna gjatë periudhës 30.11.1944 deri më 1.10.1991, heqja e lirisë, izolimi në hetuesi apo në një institucion mjekësor psikiatrik, me vendim gjyqësor të formës së prerë apo me urdhër të hetuesisë, të jetë për shkak të një vepre penale politike. 

Shqyrtimi i kërkesave

 Shqyrtimi i kërkesave për përfitimin e dëmshpërblimit, kryhet  nëpërmjet shqyrtimit të drejtpërdrejtë dhe të bashkërenduar. Ministri i Drejtësisë vendos pranimin e një kërkese vetëm kur, nga shqyrtimi i drejtpërdrejtë dhe i bashkërenduar, kërkesa plotëson të gjitha kriteret e përcaktuara në nenin 4 të këtij ligji. Shqyrtimi i drejtpërdrejtë është faza e parë e hetimit, i cili kryhet në sektorin e gjendjes gjyqësore në Ministrinë e Drejtësisë (skedarët e përgjithshëm dhe ato të posaçëm, për të përndjekurit politikë të regjimit komunist) dhe, sipas rastit, në arkivin e Drejtorisë së Përgjithshme të Burgjeve.

 Çdo kërkesë i nënshtrohet këtij shqyrtimi, pavarësisht informacionit provues, që i bashkëlidhet dosjes. Kopja e ekstrakteve të arkivit printohet, nënshkruhet nga punonjësi që përpunoi informacionin dhe i bashkëlidhet dosjes së kërkuesit. Informacioni, për çdo kërkesë, kërkohet në të gjitha variantet emër, mbiemër, viti i lindjes, lloji i veprës penale etj., përfshi edhe indiciet për gabime të mundshme, ortografike dhe materiale, të dhëna nga vetë kërkuesi, për gjeneralitetet e tij. 

Ja lista me emrat e përfituesve

Marrë nga Shekulli

Redaksia online
(ar.sh/Shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Komandohet drejtuesja, për herë të parë PD e Shkodrës do drejtohet nga një grua

Komandohet drejtuesja, për herë të parë PD e Shkodrës do drejtohet nga një grua

15 Janar, 19:55