POP 5

Lajmet më të lexuara të 5 minutave të fundit

Ish të përndjekurit, protestë para Ambasadës Gjermane: Strehon 3 kriminelë të regjimit! Edmond Caja, Qemal Lama e Lekë Imeraj na torturuan

Një grup ish të përndjekurish politikë, protestuan para Ambasadës Gjermane, për strehimin që ky shtet, u ka bërë ish funksionarëve të lartë të regjimit komunist. Edmond Caja, Qemal Lame, dhe Lekë Imeraj janë sipas tyre autorë krimesh kundër njerëzimit, të cilët përmes shtetësisë gjermane i shpëtojnë edhe drejtësisë vendase.

Për Edmond Cajën që bën biznes në Gjermani, Qemal Lamen që bën publicistikë e referime televizive për krimet e komunizmit, ish oficerin e diktaturës, Lekë Imeraj që shfaqet si njeri i letrave, sot u protestua para Ambasadës gjermane. Të tre janë funksionarë të lartë të ish-Sigurimit, strukturave të drejtësisë dhe burgjeve të regjimit ndërsa në shtetin gjerman, kanë gjetur strehim. Madje edhe duke hequr dorë nga nënshtetësia shqiptare si në rastin e Cajës.

“Kemi dalë këtu, për t’i bërë thirrje shtetit gjerman sepse në vendin e tyre janë strehuar 3 kriminelë. Ish drejtori i burgjeve të Shqipërisë Edmond Caja i cili ka sjellë vdekjen e shokëve të mi dhe njëkohësisht edhe mbi trupin tim, më ka paralizuar për tre javë në atë Revoltë, pse kërkonim drejtësi, pse kërkonim fjalën e lirë, pse kërkonim liri... E pra ky person, ndodhet në shtetin gjerman, ka marrë edhe nënshtetësi gjermane, si dhe ka heq nënshtetësinë shqiptare për t’i shpëtuar dënimit këtu. Lekë Imeraj është një ish-oficer i lartë i cili mban mbi supe krime. Sa herë që vinte ai në repartin ku ne ishim Qafë-Bari ose Spaç, aty pas ikjes së tij, 10 minunta më vonë fillonin torturat çnjerëzore që vetëm trupat tanë e dinë! Po ashtu, kryehetuesi Qemal Lame ndodhet Gjermani. Një sadist, ka çuar njerëzit në litarë me varje dhe me dënime ekzekutimi”, thotë Ahmet Tufa, ish i burgosur në Spaç dhe Qafë-Bari.

Ahmet Tufa është ish i burgosur në Spaç e Qafë Bari e thotë se për të rrëfyer vuajtjet që pësuan do të duhej një jetë e tërë, por fytyrat e emrat e autorëve që qëlluan me ta, nuk mund ti harrojnë.

“Kemi lënë atje vëllezërit tanë që i ka zënë galeria! Kemi lënë vëllezërit tanë që u pushkatuan në Revoltën e Qafës së Barit, si Tom Ndoja e Sokol Zefi. Po ashtu, në torturë e sipër është thyer në dysh një person në të 50-tat i quajtur Sandër Sokoli. Është plagosur në atë Revoltë Kostandin Gjordeni e të tjerë viktima të dhunë”, thotë Tufa.

Kujton përpjekjen e ish kreut të Institutit të Studimeve për Krimet dhe Pasojat e Komunizmit, Agron Tufa, për të ndjekur rrugën e drejtësisë.

“Së bashku me avokatin Kujtim Cakrani kanë hyrë në Prokurori dhe kanë bërë kallëzim penal për këto kriminelë. Prej aty e kanë transferuar çështjen në Gjykatë, dhe gjykata e ka pushuar çështjen, me justifikimin se nuk shikon shenja gjenocidi. Pra ky është një krim i dytë që ndëshkohemi përsëri edhe në vitin 2022!”, thotë më tej.

Ndonëse, kreu i shoqatës Antikomuniste Ethem Fezollari, e ka çuar çështjen në Gjykatën e Apelit, besimi i ish të përndjekurve politik në shtetin e tyre është zbehur. Me sytë nga Ambasada Gjermane ata presin prej tyre një reagim.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu