Për gati 4 orë aksi Kakavijë-Janinë do të jetë i bllokuar për shkak të protestës së fermerëve grek që do të zhvillohet ditën e nesërme.

Policia Kufitare Greke në Kakavijë njofton se aksi rrugor Kakavije-Janinë do të jetë i bllokuar nga ora 18:00-22:00 (me orën greke).

Sipas policisë, do të lejohen të qarkullojnë vetëm automjetet që do të kenë emergjenca shëndetësore. 

Njoftimi i Policisë:

Kakavijë/ Policia Kufitare Kakavijë, nëpërmjet qendrës së përbashkët të shkëmbimit të informacionit Kakavijë, është njoftuar nga Policia Kufitare Greke se më datë 30.11.2025, nga ora 18:00 deri në orën 22:00 (me orën greke), aksi rrugor Kakavijë–Janinë do të jetë i bllokuar për shkak të protestës që do të zhvillojnë fermerët.

Do të lejohen të qarkullojnë vetëm automjetet që do të kenë emergjenca shëndetësore.

Policia Kufitare Kakavijë kërkon mirëkuptimin e qytetarëve dhe sugjeron planifikimin e udhëtimeve me automjete, në orare të tjera të ditës.