Ish-të përndjekurit që dorëzojnë
dokumentet për këstin e tetë

Ministria e Financave ka publikuar listën me 600 ish të përndjekur politik të cilët duhet të dorëzojnë dokumentat për të marrë këstin e tetë. Procedura për pagesën e këstit të tetë ka filluar dhe ish-të përndjekurit politik duhet të kontrollojnë dosjet e tyre.

Ministria e financave thotë s eish të dënuarit që futen te kategoria parësore duhet të dorëzojnë certifikatën që janë gjallë për të marrë këstin e tetë. Radha e dëmshpërblimit do të jetë:
Ish të dënuarat politike gra, që jetojnë në momentin e dhënies së pagesës.

Ish të dënuarit politikë, që jetojnë në momentin e dhënies së pagesës dhe që kanë moshën mbi  75 vjeç me hyrjen në fuqi të këtij ligji.
Ish të dënuarit politikë, të cilët vuajnë nga sëmundje të rënda, sipas përcaktimit të aktit nënligjor të posaçëm.

Ish të dënuarit politikë që jetojnë në momentin e dhënies së pagesës, të cilët pavarësisht nga mosha, kanë pasardhës të radhës së parë në moshë të mitur, me hyrjen në fuqi të këtij ligji.

Ish të dënuarit politikë që nuk jetojnë dhe që kanë trashëgimtarë të radhës së parë, të cilët janë 75 vjeç me hyrjen në fuqi të këtij ligji;
Ish të dënuarit politikë që jetojnë në momentin e dhënies së pagesës dhe që kanë moshë nën  75 vjeç me hyrjen në fuqi të këtij ligji. Të gjithë subjektet përfituese  pjesë e listës për pagesën e këstit të tetë të kategorisë parësore, duhet të dërgojnë, dorazi ose me postë, në Ministrinë e Financave dokumentet e parashikuara në aktet nënligjore.



(Lista e ish-të përndjekurve që duhet të dorëzojnë dokumentet)

Redaksia Online
l.q/Shqiptarja.com