Armando Broja është sulmuesi që Mauricio Pochettino e ka në plan për ta aktivizuar titullar te Chelsea. 21-vjeçari i Kombëtares ka firmosur deri në verën e 2028 dhe si produkt i Bluve vështirë se do kalojë në tjetër klub pas aftësive të treguara në fushë.
Për faqen zyrtare të klubit, Broja ka bërë një rrëfim për fëmijërinë dhe lidhjen që ai kishte me fanellën dhe ngjyrat e Chelsea-s. Shqiptari tregon për moshën 2-vjeçare kur i veshën për të parën herë fanellën e skuadrës, e deri te mosha 5-6 vjeçare kur shkoi me xhaxhanë në stadium. Këtu duket se ka nisur dashuria e tij për klubin e Chelsea-s.
“Nuk e mbaj mend mirë cila ndeshje ishte, por luante Chelsea në “Stamford Bridge”. Isha diku te 5-6 vjeç dhe mbaj mend që xhaxhai im më mori në një ndeshje. Ai ishte një nga arsyet pse u bëra tifoz i Chelsea sepse ai ishte ndoshta fansi më i madh i klubit në botë. Kisha të veshur një shall dhe një kapele të Chelsea. E harrova se kush po luante sepse isha shumë i vogël, por ishte një nga eksperiencat më të bukura në jetën time, kur isha në atë moshë. Ishte vërtet shumë qejf", tha Broja.
21-vjeçari më pas foli edhe për emocionet e para kur shkoi në stadiumin "Stamford Bridge".
"E mbaj mend që shkova atje dhe isha shumë i ri. Nuk e dija se çfarë ndjenje ishte të shkoja në stadium. Kur isha jashtë në rrugë dhe pashë 5-6 mijë njerëz që ecnin së bashku ishte vërtet masive. Unë humba sepse isha i vogël dhe poshtë gjithë të tjerëve, kështu nuk mund të shikoja asgjë sipër të tjerëve teksa ecja. Është vërtet emocionuese kur shikon lojtarët që zbresin nga autobusi, të ecnin te tuneli, gjëra të tilla. Është e mrekullueshme kur hyn brenda në stadium", tha sulmuesi.
Broja thotë se ka qenë dy vjeç kur për herë të parë i veshën fanellën e ekipit dhe prej asaj kohe është një tifoz i skuadrës ku luan.
"Kur isha i vogël, xhaxhai im ishte i pari që më veshi me një bluzë të Chelsea kur isha vetëm dy vjeç. Mamaja ime i tha atij të ndalonte, por ai insistonte që unë të bëhesha një tifoz i ekipit. Kështu që unë u rrita si një tifoz i Chelsea dhe çdo gjë filloi nga aty", tha sulmuesi i Kombëtares.
Lajme të tjera
-
Sylvinho 'motivon' Cristian Shpendin, sulmuesi i Kombëtares shënon golin e nëntë në Itali
23 Nëntor, 21:39 -
VIDEO/ Myrto Uzuni shekullor, i gjithë stadiumi i Granadas duartroket sulmuesin e Kombëtares
23 Nëntor, 17:56 -
GOLAT/ Man. City dhe Guardiola pesë humbje radhazi, pësojnë 'poker' nga Spurs! Chelsea dhe Arsenal marrin tri pikë dhe kërcënojnë kreun e Premier League
23 Nëntor, 16:42 -
Napoli parakalon Juventusin, në Itali e bëjnë të sigurt: Ardian Ismajli ka akord me të kaltrit
22 Nëntor, 15:39 -
Kristjan Asllani pret edhe një shans nga Interi, më pas në diskutim e ardhmja! Projektohet nga minuta e parë
22 Nëntor, 13:30 -
Sylvinho 's'e ka parë' ende, Fiorentina ofron 10 milionë euro për Cristian Shpendin
22 Nëntor, 11:11 -
Armando Broja lë pas dëmtimin, Everton 'i ndryshon' skuadër
22 Nëntor, 10:20 -
Pep Guardiola rinovon me Manchester Cityn
21 Nëntor, 14:44 -
Ardian Ismajli magjeps Conten, Napoli 'sparkatë' Juventusit për mbrojtësin e Kombëtares
21 Nëntor, 08:56 -
Asllani i dërgon 'sms' Inzaghit: Gati të zëvendësoj Calhanoglu, jam 22 vjeç dhe ndihem i rritur
20 Nëntor, 21:31 -
Pep Guardiola pritet të qëndrojë te Manchester City deri në vitin 2026
18 Nëntor, 14:27 -
Cristian Shpendi ‘në modë’, 7 klube të Serie A pas sulmuesit të Kombëtares! Mes tyre Napoli e Atalanta
14 Nëntor, 14:54
