POP 5

Lajmet më të lexuara të 5 minutave të fundit

Politikë

Ish-drejtuesit e Shqipërisë në Hagë: Beteja për drejtësi, ‘lufta’ e fundit e UÇK

Vizitorë të ish-krerëve të UÇK-së në Hagë, kësaj here ishin ish-presidentët e Shqipërisë Moisiu, Meidani e Topi, sëbashku me ish-kryeministrin Pandeli Majko. Sipas tyre, akuza për krime lufte nuk qëndron dhe se beteja për drejtësi, është lufta e fundit e UÇK-së.

Ish-presidentët e Shqipërisë, Alfred Moisiu, Rexhep Meidani dhe Bamir Topi, si dhe ish-kryeministri shqiptar Pandeli Majko zhvilluan një vizitë në Hagë, ku u takuan me ish-drejtuesit e luftës të cilët ndodhen në paraburgim nën akuzën për krimë lufte.

Presidentët udhëtuan me avionin privat të Behgjet Pacollit, i cili është dhe organizator i takimit. Pacolli kishte planifikuar t’i çojë në Hagë edhe ish-presidentët e ish-kryeministrat e Kosovës por ata e refuzuan. Në përfundim të takimit me Hashim Thaçin, Kadri Veselin, Rexhep Selimin e Jakup Krasniqin, ish-zyrtarët thanë se liderët e Kosovës po mbahen padrejtësisht në burg, me prova të fabrikuara.

“Ne erdhëm për t’i takuar, për t’i inkurajuar miqtë dhe shokët tanë të cilët po bëjnë një burgim te padrejtë për mua dhe shokët e mijë, por kështu paska qenë shkruar kjo punë. Sigurisht me qëllimin kryesor për të treguar se ne mbështesim luftën e UÇK-së, lufta e shqiptarëve të Kosovës ka qenë një luftë për liri, pavarësi, drejtësi, për t’u shkëputur nga skllavëria serbe shekullore dhe sigurisht nuk ka qenë aspak lutë terroriste siç po përpiqen për ta kthyer, për ta argumentuar se qëllimi i saj ka qenë terrorizmi që nuk është aspak e vërtetë. Ne mendojmë që në fund drejtësia do të fitojë, do të dalë e drejta, taksirat e këtyre drejtuesve të UÇK-së të vuajnë, kanë dy vjet aty e nuk dihet sa do vazhdojë akoma, sepse kanë dy vjet dhe akoma nuk e kanë formuluar akuzën pra janë në kërkim, në kërkim të një gjëje që nuk ekziston sepse nuk kanë pasur asgjë me terrorizmin”, tha Moisiu.

Ish-presidenti Rexhep Meidani tha se historinë nuk mund ta ndryshojnë prokurorët dhe gjykatësit derisa përmendi okupimin e dikurshëm serb në Kosovë dhe luftën e UÇK-së për çlirim.

“Është një mbështetje, jo vetëm për udhëheqësit kryesorë të shtetit dhe pavarësimit të Kosovës por vizita jonë ishte edhe një mbështetje e luftës së popullit shqiptar për liri dhe pavarësi kundër skllavërimit serb, ishte edhe një luftë e mbështetur nga gjithë komuniteti ndërkombëtar dhe udhëheqësit kryesor botëror, në luftën jo vetëm për demokraci, por edhe luftën kundër pastrimit etnik dhe gjenocidit të ushtruar nga policia, ushtria dhe trupat paramilitare serbe, tha Meidani.

Ish-kryeministri Pandeli Majko e cilësoi këtë betejë me drejtësinë si luftën e fundit për drejtuesit e UÇK-së.

“Mendojmë që kjo nuk është një dramë personale e atyre që janë në qelitë e këtij burgu, mendojmë që kjo është një dramë kombëtare dhe si e tillë ka praninë tonë këtu. U informuam qe dosja fillon me ngjarjet e vitit 1981 me Jusuf Gërvallën e njohur, në fakt duhet të fillonte me vrasjen e konsullit rus në Mitrovicë 1903, dhe mendoj se kjo që po na ndodh ka sjell një reflektim të jashtëzakonshëm, është lufta e fundit që drejtuesit e UCK-së duhet të bëhen, për ata qe janë gjallë dhe per ata që nuk janë” tha Majko.

Ish-krerët e UÇK-së janë në paraburgim prej nëntorit të vitit 2020 pas konfirmimit të aktakuzës me pretendime për krime lufte dhe kundër njerëzimit, por gjykimi ndaj tyre ende nuk ka filluar.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Begu: 30/09/2022 09:35

    Cila eshte domethenia e mos shkuarjes se Fatmir Sejdiut dhe Jahjages bashke me lideret e Shqiperise londineze ne vizite lidereve te UCK-se ne Hage?!!!Mbetet te nenkuptohet,apo mbetet per dic e kuptuar...?!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34