Furtunë nga era e dëbora, gjenden të vdekur në greminë dy të rinj në Pukë

PUKE- Dy të rinj janë gjetur të pajetë në zonën e Buzhalës, të njësisë administrative Qelez. Report Tv mëson se viktimat janë Taulant Pjetri 20-vjeç dhe Kristaq Maka 24-vjeç. Ata janë gjetur pa jetë në greminë rreth orës 14:00 të ditës së sotme nga familjarët  në fshatin Buzhalë.

Sipas policisë prej dy ditësh të rinjtë kishin dalë për të gjetur bagëtitë në mal, që u kishin humbur. Si pasojë e motit të keq, Makën dhe Pjetrin i ka marrë era, ndërsa kanë përfunduar në humnerë duke humbur jetën në vendin e quajtur Maja e Pikave në kufi me Komanin.

Pas marrjes së informacionit policia është nisur për në zonën e lokalizuar nga familjarët për të nxjerrë trupat. Zona malore është e thellë dhe komunikimi mes policisë dhe familjarëve është i pamundur për shkak të mungesës së valëve të telefonit.

Kjo fundjavë risolli acarin dhe dëborën thuajse në të gjithë vendin. Era e fortë, veçanërisht gjatë natës, ka sjellë pasoja, por fatmirësisht jo të lënduar në njerëz. Katër kamionë janë përmbysur në rrugë, tjegullat janë shkëputur nga çatitë (lexo ketu).

Zona e Buzhalës në Pukë, ku ka ndodhur ngjarja

Lajmi në përditësim...

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Santa Quaranta: 24/02/2019 14:40

    Ngushellime familjeve!!

    Përgjigju
  • Berat buzhala: 23/02/2019 19:50

    Opa. Na doli nga puka edhe indrituri berat buzhala. E gjithe paria e kosoves nga Puka.

    Përgjigju
    • gezimi: 24/02/2019 01:16

      puka te ashtu motrat tek vendi

    • Arbër: 23/02/2019 21:12

      Ngushllime familjeve!

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shqiptari dhunon gruan dhe djalin e mitur në Itali

Shqiptari dhunon gruan dhe djalin e mitur në Itali