POP 5

Lajmet më të lexuara të 5 minutave të fundit

Politikë

Lajme nga emisionet

Ish-kryeministri ‘Non-grata’ edhe nga Britania/ Vangjeli: Asgjë e re! Ka një betejë të vetme për të bërë, Saliu duhet të mund Berishën

Lidhur me këtë, analisti Lorenc Vangjeli, në emisionin ‘Kontrast’ në Report Tv, është shprehur se kjo nuk është asgjë e re nga Perëndimi për Berishën.

Ish-kryeministri Sali Berisha, ditën e sotme ka njoftuar vetë se është shpallur ‘non grata’ nga Britania e Madhe. Në një deklaratë për mediat, ai theksoi se ky lajm i është bërë e ditur përmes një letre, ku theksohet se ky vendim është marrë për “lidhje të qarta me grupe të krimit të organizuar dhe kriminelë, të cilët kanë paraqitur një rrezik për sigurinë publike në Shqipëri dhe në MB dhe, se ju jeni i gatshëm t’i përdorni këto lidhje për të avancuar ambiciet tuaja politike, si edhe për korrupsionin”.

Lidhur me këtë, analisti Lorenc Vangjeli, në emisionin ‘Kontrast’ në Report Tv, është shprehur se kjo nuk është asgjë e re nga Perëndimi për Berishën.

Vangjeli u shpreh se për ish-kryeministrin kjo është një betejë e humbur dhe beteja e vetme që ai mund të bëj për të fituar, është që Saliu të mund Berishën.

“Mund të thuhet që sërish nuk ka asgjë të re nga Perëndimi për Berishën. Ai është një personazh i identifikuar si minues i demokracisë, si akuza më e rëndë që i bëhet. Sërish në anglisht, sërish nga bota anglo-saksone dhe sërish e njëjta gjë që shqiptarët minimalisht në shumicën e tyre e kanë thënë këtë prej vitesh, duke e menduar zotin Berisha si një minues të demokracisë.

Ky është një akt që kalon mbi shpatullat e një personazhi, nëqoftëse ‘non-grata’ amerikane drejtohej ndaj një deputeti, kësaj radhe kjo britanike drejtohet drejt një kryetari të një force politike, më të madhe të opozitës ku ngarkesa është po aq e madhe. Zoti Berisha duhet ta mendojë se në një luftë të cilën e ka të humbur me Perëndimin, ai ka vetëm një betejë të vetme për të bërë, që Saliu duhet të mund Berishën. Ai duhet të tërhiqet, ndoshta edhe për të mirën e tij vetjake,”- u shpreh Vangjeli.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Xhemal Katunari: 23/07/2022 10:15

    Mire Amerika po Anglia cpati me ty o Sali o hero kur gjithe Shqiperia ty te do?

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Dietologia Brikena Xhixha në Klinika 24: Kujdesuni për trupin tuaj pas kthimit nga pushimet e fundvitit

Dietologia Brikena Xhixha në Klinika 24: Kujdesuni për trupin tuaj pas kthimit nga pushimet e fundvitit

12 Janar, 14:01