Ish-modelja e Playboy vendos të kandidojë për Presidente në Kroaci

Ava Karabatic është një ish-modele e Playboy dhe ka vendosur të kandidojë për Presidente në zgjedhjet që do të zhvillohen në Kroaci në vitin 2020.

Ajo është shumë e njohur për  pjesëmarrjen në emisione televizive dhe për numrin e madh të ndjekësve që ka në Instagram.

Modelja 31-vjeçare ka bërë publik kandidimin e saj përmes llogarisë në Instagram.

Në platformën e saj elektorale ajo ka përfshirë rritjen e eksporteve dhe zvogëlimin e importeve, punësimin e të rinjve, hyrjen në zonën Shengen dhe ndalimin e aborteve pas javës së gjashtë të shtatzënisë.

Ajo gjithashtu planifikon të legalizojë marijuanën dhe prostitucionin për të mbajtur punëtorët e seksit të sigurt dhe për të rritur të ardhurat nga taksat.

“E kam vendosur, do kandidoj për Presidente. Politika është dashuria ime e dytë. Nuk mund të shikoj më gjithë këto gjëra të këqija që po i ndodhin vendit tim. Të rinjtë po ikin dhe numri i lindjeve është ulur”, është shprehur Ava.

Postimi i Avës

TAG:
• Kroaci
• President
• ava karabatic
• play boy