ISHP këshillon ndjekjen e disa udhëzimeve gjatë përmbytjeve: Shmangni bodrumet dhe nënkalimet, bëhen të rrezikshme

Instituti i Shëndetit Publik ka publikuar disa këshilla për qytetarët të banojnë në zona ku ka pasur përmbytje. Mes këshillave të dhëna nga institucioni, janë edhe ato të shmangies së vendeve të ulëta si bodrumeve apo nënkalimeve.

Udhëzimet e bëra nga ISHP:

1. Shmangni vende të ulëta si bodrumet ose nënkalimet. Këto bëhen jashtëzakonisht të rrezikshme gjatë një përmbytjeje.
2. Mos ecni nëpër zona të përmbytura. Mund të jetë e vështirë të kuptohet sesa i thellë është niveli i ujit dhe çfarë qëndron në të.
3. Nëse duhet të ecni në ujë, kudo që të jetë e mundur ecni aty ku uji nuk po lëviz. Përdorni një shkop për të kontrolluar qëndrueshmërinë e tokës përpara jush.
4. Mos ecni me makinë në zona të përmbytura. Nëse ujërat e përmbytjes ngrihen rreth makinës suaj, braktisni makinën dhe zhvendosuni në zonë apo pikë më të lartë-vetëm nëse mund të bëni këtë në mënyrë të sigurt.
5. Mos prekni pajisjet elektrike nëse jeni të lagur ose po qëndroni në ujë.

Lajmi kryesor:

Moti i keq/ Përmirësohet situata në Lezhë e Shkodër! Mbi 4 mijë hektarë tokë e qindra banesa nën ujë! Janë evakuuar 318 banorë (Video)

B.V/Shqiptarja.com

TAG:
• Instituti i Shendetit Publik
• permbytje
• reshje shiu
• Emergjencat Civile