POP 5

Lajmet më të lexuara të 5 minutave të fundit

Politikë

Primareve të Berishës i bashkohet edhe gjenerali Gjunkshi, i dha Malltezit klubin ‘Partizani’! Në garë për deputet edhe ish-prokurori Ndoja, iu bë atentat në makinë me ‘Rrumin e Shijakut’

Arjan Ndoja në Durrës dhe Xhemal Gjunkshi në Dibër janë 2 emra të rinj në primaret e Partisë Demokratike. Të dy personazhe të njohur, edhe në dosjet e SPAK. I pari ish prokurori i shkarkuar si i lidhur me krimin e organizuar, ndërsa Gjuknshi gjenerali i njohur që firmosi dorëzimin përfundimisht të ish kompleksit Partizani te Jamarbër Malltezi.

Jo vetëm Gjin Gjoni! Së bashku me ish gjyqtarin milioner, deputet i ardhshëm i Berishës kërkon të bëhet edhe një tjetër eksponent i drejtësisë së vjetër, i shkarkuar nga KPK për lidhje me krimin e organizuar, prokurori Arjan Ndoja.

Ish-prokurori, që ishte objektiv edhe i një atentati në nëntor 2019 në rrethrrotullimin e Shkozeti, është regjistruar në primaret e Partisë Demokratike për të qenë kandidat për deputet pikërisht në Qarkun e Durrësit. Emri i Arjan Ndojës është shtuar në afatin e zgjatur me firmë të Sali Berishës, për t’i dhënë më shumë kohë disa kandidatëve, ndërsa primaret mbahen të shtunën e 1 marsit.

Ndoja u shkarkua më 6 maj të vitit 2022 nga Komisioni i Vetingut i shkallës së parë për lidhje të shumfishta me krimin por edhe për pasuri të pajustifikuar. Sipas vendimit, prokurori Ndoja kishte kontrate me të paktën 9 persona të dyshuar dhe të përfshirë në veprimtari të paligjshme.  Në vendim pasqyrohet lidhja e prokurorit Ndoja me Aleksandër Lahon, i njohur ndryshe edhe si Landi Muharremi, ‘i forti i Sukthit’, por edhe si ‘Rrumi’. Ndoja ishte me Lahon në atentatin tek rrethrrotullimi i Shkozeti, ku vetë i plagosur Ndoja dhe Aleksandër Laho, ndërsa humbi jetën shoferi Andi Maloku.

Përveç ish-prokurorit të lidhur me krimin në listën e kadidatëve të Berishës në primare është edhe emri i Xhemal Gjunkshit, ish gjeneralit të ushtrisë, që tashmë ka braktisur Lulzim Bashën dhe është rikthyer në bazën e vjetër dhe kërkon të bëhet deputet i Dibrës.

Gjunkshi është një figurë e njohur për Sali Berishën, ndërsa njihet si njeriu që me firmë të tij i dha ish kompleksin Partizani, Jamarbër Malltezit, mbi të cilin ndërtoi kulla dhe bëri miliona euro.  Në dosjen e SPAK për Berishën e Malltezin evidentohet se Gjunkshi, vetëm një javë pas emërimit në ushtri, kreu 5 veprime brenda pak orëve dhe dorëzoi pronën. 

Primaret mbahen më 1 mars dhe listës së parë të miratua nga kryesia me rreth 290 emra i janë shtuar dhe rreth 20 të tjerë.

SI.E./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Jug: 26/02/2025 14:13

    Arjani eshte nje aset kombetar

    Përgjigju
  • Plaku Mere: 26/02/2025 12:22

    Po si ka mundesi qe ky Nongrada mbledh pas vetes gjith kriminelat!

    Përgjigju
  • Rrum ndoja: 26/02/2025 11:43

    Pse me arjan ndojen ka me fitu pdd???hahahhaha

    Përgjigju
    • Dagu: 26/02/2025 17:59

      Kesaj here paska ra ne usta kallami gjat ne dr

  • Sondazhi i ditës: 28 Mars, 18:47

    Fileto pule me salmonelë, sa të sigurta janë produktet që konsumojmë?

Lajme të tjera



×

Lajmi i fundit

Rama: Ne duam që fëmijët kudo që ndodhen të mësojnë shqip, në javët në vijim do t'iu prezantojmë aplikacionin e gjuhës shqipe

Rama: Ne duam që fëmijët kudo që ndodhen të mësojnë shqip, në javët në vijim do t'iu prezantojmë aplikacionin e gjuhës shqipe

29 Mars, 18:25