Një 23-vjeçar nga Kavaja është prangosur në aeroportin e Rinasit, pasi gjatë përpunimit të dokumentacionit rezulton se është dënuar me 4.8 vite burg për trafik të drogës.
 
Sipas policisë, gjatë përpunimit të dokumentacionit të shtetaseve të kthyer deportiv, rezultoi se Sulejman Vogli, 23 vjeç, pasi ishte i  shpallur  në kërkim,  duke qenë se ishte i dënuar me 4 vjet e 8 muaj burg për veprën penale "Prodhim e shitje e lëndëve narkotike".
 
23-vjeçari i’u dorëzua për shoqërim e procedura të mëtejshme patrullës së policisë së Drejtorisë Vendore të Policisë  Elbasan.


Ja njoftimi zyrtar i policisë
Policia Kufitare ndalon një shtetas të shpallur në kërkim për "Prodhim dhe shitje të narkotikëve".
Nga shërbimet e Policisë Kufitare  gjatë përpunimit të dokumentacionit të shtetaseve të kthyer deportiv , rezultoi se   shtetasi: Sulejman Vogli, 23 vjeç, lindur në Kavajë, banues në Kavajë.
Ky shtetas ishte i  shpallur  në kërkim,  pasi Prokuroria e Rrethit Gjyqësor  Elbasan me shkresë nr. 3531 dt.30.03.2016 ka dërguar urdhër për ekzekutimin e vendimit penal nr.860 dt.07.09.2015, e cila e ka dënuar me 4 vjet e 8 muaj burg për veprën penale "Prodhim e shitje e lëndëve narkotike" parashikuar nga neni 283/1, 48, 49 i Kodit Penal.
Shtetasi i mësipërm ju dorëzua për shoqërim e procedura të mëtejshme patrullës së policisë së Drejtorisë Vendore të Policisë  Elbasan.


Redaksia Online
(F.T/shqiptarja.com)