POP 5

Lajmet më të lexuara të 5 minutave të fundit

Bota

Ishte duke hetuar sulmin në studion televizive, vritet prokurori i Ekuadorit

Prokurori që po hetonte sulmin në një studio televizive në Ekuador, është vrarë. Prokurori César Suarez u qëllua për vdekje në qytetin Guayaquil. Akoma nuk është e qartë nëse vdekja e Suarez ka lidhje me hetimet që po kryente për sulmin në televizion. Mediat lokale raportojnë se Suarez u qëllua teksa po shkonte pranë zyrës së tij

Ishte duke hetuar sulmin në studion televizive, vritet prokurori i Ekuadorit

Prokurori César Suarez dhe shenjat e plumbave në makinë

Prokurori që po hetonte sulmin në një studio televizive në Ekuador, është vrarë. Prokurori César Suarez u qëllua për vdekje në qytetin Guayaquil. Akoma nuk është e qartë nëse vdekja e Suarez ka lidhje me hetimet që po kryente për sulmin në televizion. Mediat lokale raportojnë se Suarez u qëllua teksa po shkonte pranë zyrës së tij.

Në një intervistë për gazetën “El Universo” një ditë para vdekjes së tij, Suarez tha se atij nuk i ishte dhënë mbrojtje policore pavarësisht se kishte marrë në pyetje 13 personat e arrestuar pas sulmit në stacionin televiziv.

Vrasja e tij është e fundit në një mori incidentesh të dhunshme në të gjithë Ekuadorin pas arratisjes së dy bosëve të bandave kriminale nga burgu, qindra rojeve të burgut të marrë peng dhe shpërthime në disa qytete.

Sjellim në vëmendje se rreth një javë më parë, një grup meshkujsh të armatosur hynë në një studio televizive që po transmetonte drejtpërdrejtë në Ekuador dhe kërcënuan stafin, raporton The Guardian.

Transmetimi i drejtpërdrejtë nga stacioni “TC” i Ekuadorit u ndërpre nga grupi i armatosur, të cilët ishin të maskuar. Stafi i televizionit u detyrua që të ulej poshtë në dysheme përpara se të ndërpritej transmetimi.

S.S/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01