POP 5

Lajmet më të lexuara të 5 minutave të fundit

Sport

Ish-trajneri i Kosovës Bylblyl Sokoli për 'Report TV': Serbët në Tiranë do sillen si pulat, mund të fitojmë!

Ish-trajneri i Kosovës Bylbyl Sokoli thotë për Report TV se ndryshe nga ç’mund të ndodhë në Beograd, serbët në Tiranë për kualifikueset e Botërorit do të sillën si pula. Ai mendon se Kosova në grupin e saj ka shumë shanse që të renditet në vendet e para.

Shorti i kualifikueseve të Botërorit, përveç Angli, Letonisë dhe Andorës, i vendosi përballë Shqipërisë Serbinë, një rival që 10 vite më parë shkaktoi shumë trazira në ndeshjen në Beograd ku u shfaq edhe flamuri ‘Autoctonus’. Ish-trajneri i Kosovës Bylbyl Sokoli, për Report TV’, thotë se edhe pse ka kaluar shumë kohë pret që serbët të sillen njëjtë.

“Në këtë ndeshje vështirë se mund të kontrollohen në Beograd, por në Tiranë do të jenë si ‘pulat’. Ata dinë të jenë shumë agresiv si vendas, ndërsa si mysafir zbuten dhe dinë të jenë shumë të urtë,”-u shpreh trajneri i futbollit, i cili në zgjedhjet e 9 shkurtit kandidon për deputet.

Sokoli saktëson se pavarësisht kualiteteve të Serbisë Shqipëria ka gjasa të marrë pikë ose fitore si në Beograd ashtu edhe në Tiranë.

“Realisht për nga cilësia, vlera, Serbia është më lart se Shqipëria. Do të jetë favorite, por në këto ndeshje ku ka elementë të tjerë përveçse sportiv, është vështirë të parashikohet rezultati. Shqipëria ka gjasa të kalojë këtë sfidë sepse Serbia ka pikë të dobët është kontrolli dhe harmonia e grupit,”-tha ai.

Kosova në kualifikueset e Botërorit është shortuar me Zvicrën, Suedinë dhe Slloveninë.

“Zvicra është në rënie edhe pse ka ekip shumë cilësorë. Suedia është gjithashtu cilësore, me vlerë, por edhe Kosova nuk ka shumë dallime me këto skuadra. Sllovenia ka treguar cilësi në Evropian, por të gjithë ekipet sipas meje mund të befasojnë dhe të renditet në vendin e para që të mundësojnë garën edhe më tej,”-deklaroi Bylbyl Sokoli. 

Ndryshe nga Shqipëria, Kosova për shkak se luan në Ligën e Kombeve, eliminatoret e Botërorit do ti nisë në shtator.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Itali/ Dita Botërore e Picës, 'Tgcom24' interviston picajolin shqiptar në Brescia, Endrit Rustemin! 34-vjeçari: Majaja dhe mielli shpëtimi im

Itali/ Dita Botërore e Picës, 'Tgcom24' interviston picajolin shqiptar në Brescia, Endrit Rustemin! 34-vjeçari: Majaja dhe mielli shpëtimi im

17 Janar, 22:48