Foto nga banesa ku ndërruan jetë 4 anëtarët e familjes Kola

"Njerëz të ndershëm dhe të mirë. Njerëz që punonin e ndihmonin të tjerët. Një rredhje gazi si pasojë e kaldajës me defekt shuajti një familje"-kështu shprehet opinioni publik për familjen Kola.

Arti Kola, 48 vjeç, i lindur në Shqipëri, mbërriti në Itali nga Greqia rreth dhjetë vjet më parë. Më pas mori me vete gruan Jonidën, 48 vjeçe, djalin Hajdarin, 22 vjeç, dhe vajzën Xhesikën, 15 vjeçe.

vajza, më e vogla e familjes, shkruante poezi. Poezi që "këtë mëngjes", shpjegon Gioia Giuliani, drejtoreshë e shkollës së mesme Camigliano (Lucca), "po i mbledhin shoqet e saj të klasës. Jessica, siç e thërrisnim ne, ishte një vajzë shumë e ëmbël që po ndiqte shkollën me pasion dhe përkushtim".

Ajo shkruante, siç ndoshta bëjnë shumë adoleshentë ende, dhe kishte një ëndërr. "Ajo donte të bëhej parukiere, si kushërira e saj që jeton në Padova", thotë tezja e saj Mira, mes lotësh.

Hajdari ishte "një djalë shumë i ëmbël dhe punëtor i palodhur. Flisnim shpesh dhe ai nuk kishte asnjë qëllim tjetër përveçse të ndihmonte familjen dhe prindërit e tij", thotë kushëriri i tij Durimi.

I riu, i cili kishte studiuar hidraulik në një shkollë të mesme në Lucca, punonte si elektricist për një kompani lokale. "Asnjëherë vonë, kurrë një justifikim. Një djalë punëtor nga një epokë tjetër", thotë një koleg.

Arti punonte si piktor. "Ata kishin mbërritur në fshatin Rughi, ku jetonin, disa muaj më parë. Përpara kësaj, ata jetonin në një zonë tjetër të Porcarit", shpjegon një fqinj.

"Ata e kishin blerë shtëpinë tre vjet më parë dhe po e rinovonin ngadalë: ishte pothuajse gati. Arti ishte një njeri i mirë që kujdesej për të tjerët."

Jonida ishte një shtëpiake që ia kushtoi jetën familjes së saj. "Ajo vinte për të blerë bukë çdo ditë dhe ishte një person shumë i sjellshëm: kurrë nuk bënte fjalë, gjithmonë buzëqeshte", thotë pronarja e dyqanit./Corriere della Sera


Lajmi kryesor:

Tragjike në Itali/ Shuhet familja shqiptare me katër anëtarë, vdesin pas helmimit nga rrjedhja e gazit në kaldajë! Xhaxhai në gjendje të rëndë