Itali- Karabinierët e Lugos arrestuan dje (14 Dhjetor) një shqiptar të shpallur në kërkim ndërkombëtar.
Kapja erdhi pas patrullimeve të shtuara në zonë, për shkak të problematikës së bandave të vjedhjeve në biznese dhe banesa, i kthyer në shqetësim qytetar.
Përgjatë rrugës shtetërore SS610, në afërsi të komunës Conselice, efektivët pikasën një makinë me motor të madh, duke kryer manovra të rrezikshme. Shoferi nuk iu përgjigj thirrjes për të ndaluar, duke e kthyer situatën në një skenë si në filma, me ndjekje të rrezikshme në rrugët e qytetit.
Brenda mjetit kanë qenë të paktën 3 persona, që e braktisën pranë varrezave të Conselices dhe janë larguar në këmbë, drejt arave bujqësore ngjitur.
Ata kapën vetëm shoferin, që duket se ngeci nëpër baltën dhe kanalet e zonës. 42-vjeçari me origjinë shqiptare ka tentuar sërish të arratiset, duke goditur me shqelma dhe grushte efektivët, por më kot.
Pas identifikimit me foto, nga shenjat e gishtave të tij rezultoi se ndaj tij kishte masë “arrest me burg” nga Gjykata e Apelit të Romës, bazuar në një urdhër-arresti ndërkombëtar, i lëshuar nga Gjermania, pasi duhet të vuajë një dënim prej 5 vjet e 11 muaj burg, për 17 vjedhje banesash të kryera në atë shtet. Shqiptari u izolua në Burgun e Ravena, në pritje të procedurave dhe vuajtjes së dënimit.
Brenda makinës u gjetën pajisje dhe sende të vjedhura, mjete hidraulike që shërbenin për bastisje, valutë në euro, lekë dhe kineze, gurë të çmuar si rubellit dhe tanzanit, që kanë vlerë të lartë në tregun e argjendarive dhe që shkojnë të paktën 10 mijë euro. Materiali dhe malli i dyshuar i vjedhur i gjetur u sekuestrua, si dhe mjeti i përdorur për arratisjen, informon media italiane.
Aktualisht po vijojnë kërkimet për bashkëpunëtorët e shqiptarit, që besohet se janë pjesë e një bande skifterësh.
Lajme të tjera
-
‘Asnjë hap pas!’ Meloni-Opozitës: Gjadri do funksionojë, edhe nëse fle atje çdo natë! Marrëveshja e emigrantëve, ‘tmerri' i trafikantëve (VIDEO)
15 Dhjetor, 17:18 -
Itali/ I dënuar me 4,2 vite burgim për zhvatje dhe shpifje, kapet pas katër vitesh kërkimi 43-vjeçari shqiptar
15 Dhjetor, 16:05 -
Itali/ Ishte pjesë e rrjetit të trafikut të kokainës, arrestohet dhe dëbohet nga vendi 30-vjeçari shqiptar
15 Dhjetor, 15:54 -
Vlorë/ Vodhën para në një banesë, bagëti dhe koshere bletësh, zbardhen 6 raste vjedhjesh në Dukat, Radhimë dhe Orikum, në pranga 2 autorët
15 Dhjetor, 10:59 -
Itali/ Kodi i ri rrugor, do gjobiten ata që përdorin skutera pa helmeta, nëse nuk ka targë gjobë 100-400 euro
14 Dhjetor, 22:09 -
VIDEO/ Lot dhe dhimbje, Cristian Shpendi dëmtohet rëndë! Del nga fusha me duartrokitje
14 Dhjetor, 16:36 -
Vodhi një makinë në Durrës, arrestohet 26 vjeçari nga Erseka
14 Dhjetor, 12:49 -
Në kërkim për vjedhje dhe dhunë në familje, 2 të arrestuar në Vlorë
14 Dhjetor, 11:48 -
Meloni i jep nënshtetësinë italiane presidentit të Argjentinës, irritohet opozita: E patolerueshme
14 Dhjetor, 11:34 -
Itali/ Ndjekje si në filma, arrestohet çifti shqiptar në Rimini, droga e fshehur në paketa cigaresh! Dyshohen se janë pjesë e një rrjeti trafiku
13 Dhjetor, 15:22 -
Autor i 11 vjedhjeve, arrestohet hajduti ‘serial’ në Tiranë (VIDEO)
13 Dhjetor, 14:26 -
Biseda/ Angela Merkel dhe Mario Draghi, çfarë i bën të mëdhenj këta dy europianë?
13 Dhjetor, 07:44
