17 vjeçari shqiptar me inciale A.K është kapur në Itali me 35 kg kokainë në shtëpinë e tij, e cila arrinte vlerën mbi 3 mln euro.
Kokaina me vlerë mbi 3 mln euro u gjet e fshehur poshtë krevatit të 17-vjeçarit shqiptar, e ndarë në pako me nga 1 kg.
I riu 35 kilogramët i kishte kishte futur në 2 valixhe, të mbushura plotësisht dhe të ndara nëpër pako, e cila më pas do shitej me 80 euro për gram. Por nga ky operacion nuk është gjetur vetëm drogë, pasi në dollapin e prindërve të 17 vjeçarit policia ka gjetur 700 gram hashash të ndarë në 7 qese të vogla.
I riu pasi është arrestuar është liruar, ndërsa nën hetim janë anëtarët e tjerë të familjes së tij. Por ndonëse janë të dyshuar si të përfshirë në këtë aktivitet, duhet theksuar se familjarët e të riut nuk kanë precedentë të mëparshëm penalë. Nëna e të riut punon në qytet, ndërsa babai nuk është i punësuar për momentin.
Autoritetet po përpiqemi të kuptojmë se çfarë po bënin dy valixhe plot kokainë në banesën e një familjeje që nuk kishte precedentë penalë. Nga ana e hetuesve nuk përjashtohet mundësia se ata po ruanin drogën në emër të dikujt tjetër.
Gjatë kontrollit në shtëpinë e familjes shqiptare, i riu ka qenë vetëm. Kur policia ka trokitur në derën e shtëpisë, ai ka bërë gjithçka për t'i ndaluar që të mos hynë brenda. Droga e fshehur arrinte një sasi të madhe, më e larta që është gjetur ndonjëherë në zonën e Lodit. Hetimet po kryhen nga departamenti operativ i karabinierëve Lodi.