ITALI - Policia e shtetit fqinj ka ekzekutuar një sërë arrestimesh gjatë ditës së sotme duke vënë në pranga 28 persona nga Italia, Shqipëria dhe Rumania për trafik droge, armësh dhe eurosh false që nga vendi ynë shkonin në Sardenja e më pas në Italinë veriore.

Nën hetim 30 persona. Arrestimet janë ekzekutuar në provincat e Nuoros, Sassarit dhe Breshias dhe në Rumani në bashkëpunim me autoritetet lokale të atjeshme. Mes të arrestuarve ka qenë edhe një shtetas shqiptar, identiteti i të cilit nuk është ende publik. Ky i fundit do të përballet me akuzën e  trafikut ilegal të armëve luftarake.

Ndërkohë që masa arrest shtëpie është vendosur edhe për dy gra.

Redaksia Online
(a.h/shqiptarja.com)