‘Bandat kriminale shqiptare vijojnë të përparojnë me një progres të shpejtë në trafikun e drogës përtej Adriatikut’. Kështu shkruajnë mediat italiane, teksa raportojnë për goditjen e një tjetër grupi kriminal me 206 kg marijuanë të fshehur në kamion, që transportonte materiale ndërtimi.
Kamioni drejtohej nga 48-vjeçari italian, Enzo Di Mauro, që sipas hetimeve, rezulton të jetë i lidhur me bandën e ‘Ndragheta-s’. Italiani dyshohet se ishte ‘koka’ e trafikut të drogës që vinte nga Spanja, ndërsa vepronte në bashkëpunim me shqiptarët. Gjatë hetimeve policore, në pranga ka rënë dhe 50-vjeçari shqiptar, Eduart Mecani, nga Durrësi, i cili priste kamionin për të shkarkuar qeset me marijuanë.
Goditja e kësaj bande u bë mbrëmjen e të shtunës, teksa policia ngriti dyshime të forta pas lëvizjeve të shpeshta të kamionëve. Përveç lëndës narkotike, karabinierët zbuluan dhe 66 mijë euro cash, të cilat dyshohet se janë fituar nga aktiviteti kriminal. Ndërkohë, policia ka ngritur kontrolle të shumta në zonë, pasi sipas saj, organizata kriminale nuk mund të përbëhet vetëm nga dy persona.
Dyshohet se është një rrjet i gjerë në Spanjë i përbërë nga ndërmjetësues dhe furnizues të drogës të importuar më parë nga Afrika e Veriut, ndërsa ka një vend ku shqiptarët presin ngarkesën për ta marrë dhe tregtuar atë. Destinacioni përfundimtar i lëndës narkotike ishte Milano dhe dhe disa qarqe të tjera në Itali.
Kohët e fundit, Spanja është rikthyer në vëmendje, si zonë që shqiptarët e përdorin si trampolinë për të trafikuar drogën drejt vendeve të tjera.
Një javë më parë, Agjentët e Policisë Kombëtare Spanjolle në një operacion të përbashkët me zyrën e Madridit dhe DEA-e Kolumbisë, nën koordinimin e EUROPOL kanë goditur një grup kriminal të mafias shqiptare, duke sekuestruar 1 ton kokainë dhe 1.5 milionë euro.
Operacioni u finalizua edhe me arrestimin e dy shqiptarëve Julian Deblini dhe Arjan Ndoci. Autoritetet njoftuan se hetimi për bandën kriminale filloi nëntorin e kaluar, ndërsa grupi kishte bazën në Shqipëri. Pas hetimeve, rezultoi se kokaina në Spanjë futej nga banda shqiptare me fluturime çarter nga Kolumbia më pas shpërndahej në të gjithë Europën.
Ndërkohë, Spanja është përdorur nga trafikantët shqiptarë për të kontrabanduar emigrantë nga Shqipëria drejt SHBA, Kanadasë dhe Britanisë,në mënyrë të paligjshme. Banda shqiptare trafikoi mbi 1 mijë shqiptarë, duke fituar nga aktiviteti kriminal rreth 25 milionë dollarë, ndërsa në pranga ranë 39 shqiptarë, si pjesë e rrjetit të trafikut të klandestinëve.
Në hartën që kanë bërë mediat britanike, shpjegohet itinerari i kontrabandistëve, ku si fillim niseshin nga Italia ose Franca, por pas goditjes nga policia e këtyre vendeve, filluan të marrin rrugë të tërthorë përmes Malit të Zi, Serbisë, Gjermanisë dhe Spanjës veriore, prej nga do të vazhdonin rrugën e tyre me mjete lundruese drejt Britanisë së Madhe.
(Harta me rrugët që ndiqnin kontrabandistët shqiptarë)
Shqiptari nga Durrësi i arrestuar në Itali si pjesë e një bande kriminale të lidhur me ‘Ndragheta-n’, Eduart Mecani, është një emëri njohur për drejtësinë italiane. 50-vjeçari durrsak rezulton të jetë kapur dhe më parë në shtetin fqinj po për trafik droge.
Në aksionin e të shtunës mbrëma, policia goditi bandën e trafikut të drogës nga Spanja, ndërsa shqiptari merrej me shkarkimin e lëndës narkotike nga kamioni, e cila më pas kalonte në treg.
Por, mediat italiane shkruajnë se durrsaku Eduart Mecani është arrestuar dhe në vitin 2009, në atë kohë 41 vjeç, i cili është kapur me 250 kg marijuanë në makinë.
Mediat fqinje raportojnë se shqiptari i kapur në atë kohë ishte me precedent penal, ndërsa gjatë kontrollit policor në banesën e tij ju gjetën dhe 300 mijë euro cash.
Komente
Lajme të tjera
-
Itali/ Zbulohet 'streha e drogës', gjenden 76 kg kokainë, pakot dorëzoheshin me furgon! Mes 2 të arrestuarve 1 shqiptar
24 Nëntor, 08:59 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Reduktohet personeli Italian në qendrat e emigrantëve në Lezhë, fillojnë rikthimet në Itali
23 Nëntor, 09:58 -
Itali/ Grupi i ‘skifterëve’ shqiptarë i ikën policisë me ‘Golf’ të vjedhur, njëri arrestohet dhe 2 arratisen! 32-vjeçari i dënuar me rreth 4 vite burg për grabitje
22 Nëntor, 21:34 -
Itali/ Plagosi me kaçavidë dhe i grabiti 14 mijë euro pensionistit në banesë, arrestohet 34-vjeçari shqiptar! Në kërkim prek Korrikut 2023, e tradhtoi xhaketa
22 Nëntor, 20:59 -
Itali/Kishte fshehur brenda dyshekut mbi 2 kg kokainë, arrestohet 22-vjeçari shqiptar! U denoncua nga banorët, shtëpinë e kishte kthyer në bazë droge
21 Nëntor, 21:49 -
U arrestua për rrahjen dhe grabitjen e një italiani, Gjykata e Katanias liron 28-vjeçarin shqiptar! I skeduar më parë për drogë
21 Nëntor, 21:03 -
Itali/ Përgjimet SKY ECC çmontojnë klanet mafioze Sacra Corona dhe Ndragheta, bashkëpunonin me shqiptarët! 33 arrestime të reja, 97 persona nën hetim (EMRAT)
21 Nëntor, 20:06 -
Itali/ Njëri i dënuar dhe tjetri i skeduar për 8 krime, dy shqiptarët 31-vjeçarë kapen duke shitur drogë! Burgosje dhe dëbim nga vendi
21 Nëntor, 17:35 -
Trafik kokaine dhe heroine në Bellizona, në pranga 35-vjeçari shqiptar dhe zvicerani! Nën hetim edhe 3 shqiptarë të tjerë
20 Nëntor, 20:42 -
Vicenza/ Trafikonin dhe xhironin 3,3 mln euro kokainë në vit, shkatërrohet grupi italo-shqiptar! 11 të arrestuar e 4 në kërkim, hetime dhe në Shqipëri (EMRAT+FOTOT)
20 Nëntor, 19:53 -
Jepnin informacione për inteligjencën ruse, dy persona nën hetim në Milano nga prokuroria antiterrorizëm
20 Nëntor, 18:46
Bravo xxx,emigranti bej emigrantin se nuk esht sport per ty plako,ha noj pjat spageti dhe thuaj , GRAZIE
PërgjigjuPer ne emigrantet eshte shum e veshtire te lexosh keto lajme. keta fytyr ndyra na prishin gjith imazhin e popullit tane shqipetar.
PërgjigjuTi vazhdo bej yzmeqarin dhe leri komentet neper gazeta...Cdo njeri e ka koken mbi shpatulla,ndaj ti mos u merakos shume...
Carabinieret paskan qene ilaci i kesaj semundje qe i ka marre feymen dhe fytyren ketij populli neper bote.