Itali, i riu  përplaset me motorçikletë
humb jetën pas 2 ditësh në agoni

23-vjeçari Françesko Murataj ka humbur jetën sot pas një aksidenti rrugor të ndodhur mëngjesin e së dielës në Civitanova, Itali.

Mediat italine shkruajnë se i riu ishte duke lëvizur në rrugën “Indipendenza”, kur ka humbur kontrollin e motorçikletës “Yamaha” dhe u përplas me dy automjete të parkuara përgjatë rrugës. Më pas, ai u përplas edhe me një automjet tip “Skoda Fabia”, e më tej ‘fluturoi’ mbi asfalt.

“Gjendja e 23-vjeçarit ishte tragjike fill pas aksidentit”, shkruajnë mediat lokale.

Ndërhyrja e parë e autoriteteve ishte e shpejtë, por Murataj, i cili jetonte në rrugën “Casone” humbi ndjenjat.

Ai u transportua me ambulancë ajrore në spitalin rajonal në Torrette, në gjendje kritike për jetën.

Sot, i riu ndërroi jetë. Murataj, i lindur në Shqipëri, por banues prej vitesh në Itali, bënte punë të rastit dhe frekuentonte një bar në San Marone.

E motra e viktimës, e cila është shtatzënë jeton po në Civitanova. Pasi u njoftua për aksidentin e të vëllait, ajo u dërgua në spital pasi u ndje keq, shkruajnë mediat lokale. Aktualisht, raportohet se ka dalë nga spitali.

“Yamaha” me të cilën u aksidentua Murataj, nuk ishte në pronësi të tij.









Redaksia Online
(m.b/shqiptarja.com)