Itali, identifikohet një tjetër i infektuar nga koronavirusi, 29 vjeçari ishte evakuuar bashkë me 55 të tjerë nga Wuhan

Autoritetet në Itali kanë identifikuar një tjetër të infektuar nga koronavirusi i Wuhan. I riu 29 vjeçarç nga Reggio Emiglia, është një nga pjestarët e grupit të 55 italianëve të avakuuar ditët e fundit nga epiqëndra ku shpërtheu virusi.

I prekuri nga koronavirusi rezultoi pozitiv pas kryerjes së analizave dhe deri para konstatimit nuk kishte shfaqur shenja të infektimit (asimptomatik).

Konfirmimi i lajmit vjen nga Instituti i Lartë i Shëndetit, i cili saktësoi që pacienti ishte shtruar në spital në institutin Spallanzani.

Përsëri 24 orët e fundit kanë qenë të ndër më të rëndat për sa i përket numrit të viktimave, 73, prej tyre 69 në provincën Hubei, duke e çuar numrin e përgjithshëm të atyre që kanë humbur jetën në 638, ndërsa 4 mijë e 821 pacientë të tjerë janë në gjendje kritike.

Lajmi i vetëm inkurajues është rënia e lehtë, për të dytën ditë radhazi, e numrit të të infektuarve të rinj të raportuar, 3343, për një total prej 31485. Eshtë ende herët të flitet për ngadalësim të përhapjes së epidemisë dhe vetëm të dhënat e ditëve të ardhshme do të jenë në gjendje ta konfirmojnë atë.

Lajmi kryesor:

Koronavirusi, 73 viktima në 24 orët e fundit për një total prej 638, mister vdekja e mjekut që ngriti alarmin për epideminë (VIDEO)

/G.M./Shqiptarja.com

TAG:
• Kine
• Wuhan
• koronavirusi
• Hubei
• Weibo
• Li Wenliang