POP 5

Lajmet më të lexuara të 5 minutave të fundit

Bota

Itali/ Makinë me qira dhe Google Maps për të trafikuar kokainën, në pranga shqiptari 24-vjeçar

U përpoq të fshihte telefonin ku kishte aplikacionin me lokacionin e vendndodhjes. Nga kontrolli fizik i tij dhe mjetit, u gjetën 70 gramë kokainë e ndarë në 63 doza, të fshehura në xhaketë. Përveç drogës, u sekuestruan edhe 1200 euro cash

Itali/ Makinë me qira dhe Google Maps për të trafikuar kokainën, në pranga shqiptari 24-vjeçar

Sekuestrimi i kokainës nga policia italiane

Itali- Makinë me qira dhe Google Maps për të shpërndarë drogën tek klientët, arrestohet trafikanti 24-vjeçar i kokainës.

Policia italiane ndoqi një makinë nga Latina për në Terni, ku dyshohej se transportohej lëndë narkotike. Në total u gjetën 63 doza kokaine që do shiteshin, teksa u bllokua edhe mjeti tip “Fiat Panda”, i marrë me qira nga një kompani private.

I arrestuari është një shqiptar 24-vjeçar me inicialet K.J., pa precedentë të mëparshëm penalë.

Një detaj pikant nga aksioni policor ka qenë sjellja e të riut kur pa efektivët që i kërkuan nënshtrimin ndaj një kontrolli. Ai me shpejtësi u përpoq të fshihte telefonin ku kishte vendosur "Google Maps", të plotë me vendndodhjen për të arritur.

Gjithashtu ai ishte pa justifikim për arsyen e udhëtimit nga Latina për në Terni. Kjo solli edhe kontrollin fizik të tij dhe mjetit, ku u gjetën 70 gramë kokainë e ndarë në 63 doza, të fshehura në xhaketë. Përveç drogës, u sekuestruan edhe 1200 euro cash, të konsideruara të ardhura nga aktiviteti i trafikut të drogës. I riu u arrestua dhe pas konfirmimit nga gjyqtari i gjykatës, u dërgua në burgun e Ternit, informon media.

Dukuria e trafikut të drogës duke përdorur makinat me qira të kompanive private është kthyer në shqetësim për autoritetet, që së fundmi po i kalojnë në sitë të gjitha mjetet e dyshuara. Vetëm dje u raportua ndalimi i 2 shqiptarëve që përdornin këtë taktikë trafikimi.

Momenti i sekuestrimit të kokainës nga policia italiane

 

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Trump paralajmëron sërish Putinin: Nëse s'ka një marrëveshje për Ukrainën së shpejti, do shtoj tarifat e sanksionet mbi gjithçka që shitet nga Rusia në SHBA

Trump paralajmëron sërish Putinin: Nëse s'ka një marrëveshje për Ukrainën së shpejti, do shtoj tarifat e sanksionet mbi gjithçka që shitet nga Rusia në SHBA

22 Janar, 17:47