Pas 6 muajsh hetimesh nga autoritetet italiane gjashtë shtetas shqiptarë, të cilët dyshohet se janë autorë të 53 vjedhjeve e grabitjeve në katër rajone të Italisë veriore kanë rënë në pranga.

Policia e Cremonas në aksionin e koduar “Night terror”, ka bërë të mundur goditjen e gurpit kriminal, që prej kohësh terrorizonte banorët e zonës duke kryer vjedhje të shumta.

Sipas medieve italiane hetimi ka nisur në shtator 2016 dhe në mars 2017 hetuesit kanë arritur të krijojnë skemën e lëvizjes së bandës, duke bërë të mundur edhe arrestimin e tyre.

Kapobanda ishte një shtetas shqiptar 43-vjeç, rezident në Bergamo. Hetuesit kanë arritur të gjurmonin të gjitha goditjet në sajë të gjobave dhe faturave të kalimit të makinave në autostrada. Makinat e vjedhura me të cilat vepronte organizata kriminale, kanë arritur të gjurmohen nga hetuesit.

6 shqiptarët e arrestuar janë të moshës nga 27 në 43 vjeç, të gjithë rezidentë në zonën jugore të Milanos.

Grabitësit kishin vjedhur e grabitur banesa në dhjetë provinca: Milano, Bergamo, Brescia, Cremona, Verona, Mantova, Parma, Modena, Bologna dhe Forli.

Hetuesit ndërtuan hartën e veprimtarisë së grupit kriminale, të cilët qartësuan se banda vepronte në zona të ndryshme, duke përshkuar deri në 400 kilometra nga jugu i Milanos.

Policia arriti t’u sekuestrojë 6 grabitësve edhe sende të vjedhura, me vlerë rreth 500 mijë euro, të cilat u janë kthyer më pas pronarëve të ligjshëm.

itali

itali

Er.K/Shqiptarja.com