Itali, pranga bandës së diskotekave
arrestohen 4 shqiptarë e 2 italianë

VIÇENZA - Ishte banda e vjedhjes së diskotekave. Ata e bënin jetën natën. Ditën flinin gjumë, pasi duhej që të pushonin dhe të rikuperoni forcat. Vetëm në darkë ata dilnin dhe shkonin nëpër bare dhe nisnin “të punonin”. Dhe për arrestimet, karabinierët kanë pritur orën 9 të mëngjesit, kur grabitësit kishin shkuar për të fjetur.

Të arrestuarit duhet që të përgjigjen për disa akuza, si grabitje, tentativë grabitje, plagosje, mbajte e armëve pa leje, vjedhje dhe riciklim parash. Në pranga kanë përfunduar katër shqiptarë dhe dy italianë.

Të arrestuar janë: Ermir Maskulli, 38 vjeç, kreu i grupit të grabitësve, Edmond Arra, 24 vjeç, Xhemal Boni, 34 vjeç, Bektash Qerimi, 29 vjeç; Giuseppe Matta, 40 vjeç, nga Palermo por banues në Torri di Quartesolo dhe Lorenzo Zanandrea, 43 vjeç, banues në Lonigo.

Këta dy të fundit janë dy ish-punonjës të kompanisë private “Pantera”. Të gjithë të arrestuarit janë të ardhur në Viçenza. Gjithashtu janë edhe disa italianë dhe shqiptarë të tjerë që po hetohen në gjendje të lirëdhe mes tyre është edhe një grua e cila kishte punuar në një prej diskotekave të grabitura.

Gjatë operacionit ku janë arrestuar pesë personat që akuzohen për grabitje, kanë marrë pjesë 100 karabinierë, qenë, helikopterë. Hetimi ka zgjatur një vit.
 
Redaksia online
(ac/shqiptarja.com)