Itali/ U kap për herë të dytë duke shitur kokainë, dënohet ish-sulmuesi i Dinamos! Ja vendimi që dha gjyqtari, pranoi fajësinë

Itali/ U kap për herë të dytë duke shitur kokainë, dënohet ish-sulmuesi i Dinamos! Ja vendimi që dha gjyqtari, pranoi fajësinë

Foto ilustruese

Itali- Gjykata italiane dënon me 1,5 vite burgim me kusht ish-futbollistin e Dinamos së Tiranës, që u arrestua më 10 mars duke shitur kokainë dhe me armë të ftohtë pa leje.

45-vjeçari pasi ka dalë në një proces të përshpejtuar në gjykatë, pranoi fajësinë, teksa kjo ishte hera e dytë që arrestohej brenda një muaji. Më herët ai ishte kapur në muajin shkurt (data 3) në Norm, po duke shitur lëndë narkotike.

Ish-futbollisti shqiptar i Kategorisë Superiore u lirua nga paraburgimi, teksa u paralajmërua të mos kryejë krim tjetër, pasi do vuante edhe dënimin që i ishte kthyer me kusht.

Vendimi u dha nga gjyqtari Giuseppe Palasciano.

Arrestimi i ish-sulmuesit u bë në Ferrara, (Argino Ducale), teksa emri nuk u bë publik. Bëhet fjalë për një futbollist që ka luajtur edhe në kupën Intertoto, por u tërhoq nga fushat e blerta në moshë të re në vitin 2005, pas dy sezoneve me Dinamon.

Ai u kap nga policia teksa po i jepte një dozë kokaine një burri që e priste me biçikletë. Ishte ky i fundit që tërhoqi vëmendjen e policisë. Gjatë kontrollit iu gjetën me vete 60 eurot që kishte shitur drogën dhe një thikë. Ndërsa blerësi dozën me kokainë që e kishte fshehur brenda këpucës, 1,27 gramë, informon media italiane.

Edhe në muajin shkurt iu gjetën disa doza kokainë, por në këtë rast sulmoi edhe një nga zyrtarët e policisë lokale duke e goditur. Avokati kërkoi bashkimin e të dyja çështjeve dhe gjykim të shkurtuar, teksa shqiptari pranoi autorësinë dhe shprehu pendesë.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 17 Mars, 09:11

    Mendoni se Parlamenti i dalë nga zgjedhjet e 11 majit do të jetë më cilësor?



×

Lajmi i fundit

'Kap ndonjë pasagjer demokrat se po ti ha bufi të gjithë!' Rama i përgjigjet Bashës me 'Unikatilin': Sa herë ke provu çdo herë ke dështu (VIDEO)

'Kap ndonjë pasagjer demokrat se po ti ha bufi të gjithë!' Rama i përgjigjet Bashës me 'Unikatilin': Sa herë ke provu çdo herë ke dështu (VIDEO)