POP 5

Lajmet më të lexuara të 5 minutave të fundit

Sport

Italianët votojnë kundër rifillimit të Seria A: Na mungon shumë futbolli, por vendos qeveria

64% e italianëve janë shprehur kundër vazhdimit të Seria A për këtë sezon. Kjo për shkak se shumica prej tyre i druhen shëndetit të futbollistëve, ndërkohë që në sondazhin e zhvilluar thuhet se 70% të italianëve futbolli u ka munguar shumë gjatë kësaj periudhe karantine.  

Në një kohë kur miliona spektatorë dhe dashamirës në të gjithë botën presin me padurim që të vazhdojë Seria A, vetë italianët janë kundër këtij opsioni. Sipas një sondazhi të bërë së fundmi nga IZI 64% e italianëve janë kundër nisjes së futbollit në ligat profesioniste. 2/3 e 64% mendojnë kështu sepse sipas tyre futbollistët mund të rrezikojnë shëndetin, ndërsa 1/3 janë kundër rinisjes për shkak se nuk mund ta pranojnë faktin që futbollistët të jenë të privilegjuar në kryerjen e testeve për COVID-19.

Rreth 60% të atyre që kanë votuar e deklarojnë vetën 'tifozë' ose 'shumë tifozë të futbollit'. Ndërkohë pro rifillimit të Seria A dhe kampionateve të tjera profesioniste ishin 36% të italianëve, gjysma e të cilëve  e konsideron atë një forcë shtytëse të rritjes ekonomike që është shumë e rëndësishme për vendin. Sidoqoftë vetëm 19% janë të shqetësuar se kush do ta marrë kampionatin në fund. Sakaq 4% deklaruan se futbolli pa tifozë, që është edhe kushti i vetëm për të nisur, është i pakuptimtë.

77% e italianëve thanë se vendimin për rifillimin e kampionatit duhet ta marrë qeveria, 15% ishin për federatën italiane të futbollit dhe 8% për komitetin olimpik italian.  Ndërkohë 70% e të intervistuarëve u përgjigjën se gjatë dy mujorit të karantinës futbolli ishte një element që i kishte munguar shumë.

44% e të intervistuarve u shprehën se gjatë kësaj periudhë nuk kishin parë fare futboll, 24% deklaruan se kishin parë ndeshje të vjetra, 17% kishin parë video futbolli në internet dhe 15% kishin diskutuar të paktën një herë me miqtë për futboll në telefon.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Riorganizimi i PD, a duhet të zhvillohet menjëherë gara për kryetarin e ri?

Lajme të tjera



×

Lajmi i fundit

Publikimi i tezës së provimit të Anglishtes së Maturës, Kushi: Detaj që nuk e cenon procesin, e njëjta dorë që i publikon

Publikimi i tezës së provimit të Anglishtes së Maturës, Kushi: Detaj që nuk e cenon procesin, e njëjta dorë që i publikon

6 Qershor, 12:03