Iu bë atentat, kryeministri sllovak jashtë rrezikut për jetën

Iu bë atentat, kryeministri sllovak jashtë rrezikut për jetën

Kryeministri i Sllovakisë, Robert Fico

Kryeministri i Sllovakisë, Robert Fico ka dalë nga gjendja serioze shëndetësore dhe është jashtë rrezikut, ka thënë zëvendëskryeministri i Sllovakisë, Robert Kalinak të dielën. Robert Fico do të vijojë të jetë nën kujdes intensiv.

“Ai nuk është më në rrezik për jetë, por gjendja e tij vazhdon të jetë serioze dhe duhet të jetë në kujdes intensiv”, ka thënë Kalinak, aleati më i ngushtë politik i Ficos.

Fico, 59 vjeç, u qëllua të mërkurën teksa ecte për të përshëndetur mbështetësit pas një takimi të qeverisë në qytetin qendror të minierave Handlová.

Fico iu nënshtrua një operacioni 5-orësh të mërkurën dhe një operacioni të dytë të premten. Për tentativë vrasje është akuzuar një ish-roje sigurie dhe poet amator Julian Cintula 71 vjeç i arrestuar në pritje të gjykimit.

Cintula e ka qëlluar katër herë, teksa kryeministri ka qenë në afërsi të mbështetësve të tij.

Fico është në pushtet prej kur partia e tij populiste e qendrës, Smer, i ka fituar zgjedhjet e përgjithshme në vjeshtën e vitit të kaluar.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Alibeaj iku nga grupi PD, çfarë duhet të bëjnë deputetët e tjerë pro Bashës?



×

Lajmi i fundit

Euro 2024/ 'Djajtë' kërkojnë pikët e para, titullarët e përballjes Belgjikë - Rumani

Euro 2024/ 'Djajtë' kërkojnë pikët e para, titullarët e përballjes Belgjikë - Rumani