Ivi Kaso: Nuk mund të pranohet ankimi i Enkelejd Alibeajt, nuk ka qenë asnjëherë palë! S’mund të bëhen ankime nga persona anonimë

Në seancën e sotme gjyqësore në Apel përfaqësuesi i ‘Rithemelimit’ Ivi Kaso thotë se Enkelejd Alibeaj nuk duhet të ishte pranuar si ankimues.

“Ligji procedural parashikon çfarë është ankimi dhe kriteret minimale që duhet të plotësojë. Ankimi është akti që palët ose pjesëmarrësit parashtrojnë. Palë në proces është PD e përfaqësuar nga Komisioni i rithemelimit si palë e vetme në proces. Pasi është njohur me arsyetimin e vendimit nëpërmjet përfaqësuesit ligjor, i ka komunikuar shkallës se parë që nuk dëshiron ta ankimojë këtë vendim, nga e vetmja palë që ka investuar në proces ligjor.

LEXO EDHE:
'25 prilli, ditë e zezë në historinë e demokracisë së Shqipërisë'

Ky fakt duhet të ishte marrë parasysh nga gjyqtarja Blerina Muca, kur vetë pala që ka investuar ne gjykatë ka kërkuar të mos ankohet vendimi. Ankimi nuk mund të bëhet nga persona sporadike brenda personit juridik.  Vullneti i personit juridik PD për të mos lejuar ankim, rrëzon personat sporadikë”, thotë Ivi Kaso.

Lajmi kryesor:

Fati i PD, Apeli rrëzon Berishën, vula mbetet në dorë të Bashës! Avokati Sefa: Regjistrohet grupi i Alibeajt në zgjedhje! Bylykbashi: Pati presion në sallë

K.T./Shqiptarja.com

TAG:
• Agron Zhukri
• 3 marsi i pd
• Lufta brenda PD
• apeli i tiranes
• gjykata e apelit
• sali berisha
• enkelejd alibeaj