JERUSALEM - Ministrja franceze e Ekologjisë, Segolene Royal konfirmoi sot në Jerusalem se antisemitizmi nuk kishte vend në Francë dhe shprehu vendosmërinë e qeverisë franceze për të luftuar kundër akteve që kanë shënjestër hebrenjtë.
"Antisemitizmi nuk ka vend në Francë", deklaroi Royal, përfqësuese e vendit t ësaj në ceremoninë mortore të katër hebrenjve të vrarë të premten në Paris në sulmin kundër një supermarketi hebre.
"Dëshiroj të shpreh vendosmërinë e qeverisë franceze për të luftuar kundër çdo forme të akteve antisemite", shtoi ajo.
Royal përmendi marrëdhënien solide të krijuar nga historia mes hebrenjve të Francës dhe Republikës. Ajo përsërit ipropozimet e kryeministrit francez, Manuel Valls, sipas të cilave "Franca pa hebrenjtë e Francës nuk është Francë"./ATSH/