Izraeli bombardon kryeqytetin sirian, godasin një ndërtesë në qendër të Damaskut, pesë të vdekur

Një sulm me raketë izraelite herët mëngjesin e sotëm goditi një ndërtesë në lagjen qendrore Kafr 0 Sousa të Damaskut, pranë një kompleksi të madh sigurie, duke vrarë pesë persona. Sulmi i rrallë dhe i shënjestruar dëmtoi disa ndërtesa në lagjen me popullsi të dendur pranë sheshit Omayyad në zemër të kryeqytetit, ku ndërtesat shumëkatëshe të sigurisë ndodhen brenda zonave të banuara.

Një zyrtar i policisë tha për mediat shtetërore se kishte disa viktima dhe të plagosur. Një zëdhënës i ushtrisë izraelite nuk pranoi të komentojë. Duke cituar një burim ushtarak, media shtetërore tha se Izraeli kishte kryer sulme ajrore duke synuar disa zona në kryeqytet pak pas mesnate, duke shkaktuar pesë të vdekur dhe 15 të plagosur në mesin e civilëve dhe dëmtime në disa ndërtesa banimi.

"Pati dëme në disa shtëpi civilësh dhe dëme materiale në një numër lagjesh në Damask dhe në afërsi të tij," tha ushtria në një deklaratë.

LEXO EDHE:
Biden miraton dokumentin mbi sigurinë kombëtare, lidhur me katër vende kundërshtare të SHBA-ve

Komandanti i lartë i Hezbollahut pro-iranian, Imad Moughniyeh, u vra në vitin 2008 në një bombë në Kafr Sousa, një zonë e kontrolluar nga ta, ku banorët thonë se ndodhen disa agjenci iraniane të sigurisë, duke përfshirë një qendër të madhe kulturore.

Për gati një dekadë, Izraeli ka kryer sulme ajrore kundër transferimeve të dyshuara të armëve të sponsorizuara nga Irani dhe dislokimeve të personelit në Sirinë fqinje. Zyrtarët izraelitë rrallë e kanë pranuar përgjegjësinë për operacione specifike.

Irani ka zgjeruar praninë e tij ushtarake në Siri vitet e fundit dhe ka një pikëmbështetje në shumicën e zonave të kontrolluara nga shteti, me mijëra anëtarë të milicive dhe grupeve lokale paraushtarake nën komandën e tij. Izraeli gjithashtu muajt e fundit ka intensifikuar sulmet në aeroportet dhe bazat ajrore siriane për të penguar përdorimin në rritje nga Irani të linjave të furnizimit ajror për të ofruar armë për aleatët në Siri dhe Liban, duke përfshirë Hezbollahun e Libanit të mbështetur nga Irani.

Sulmet janë pjesë e një përshkallëzimi të atij që ka qenë një konflikt me intensitet të ulët, qëllimi i të cilit ishte të ngadalësonte shtrirjen në rritje të Iranit në Siri. Milicitë përfaqësuese të Iranit, të udhëhequra nga Hezbollahu i Libanit, tani kanë ndikim në zona të gjera në Sirinë lindore, jugore dhe veriperëndimore dhe në disa periferi përreth kryeqytetit.

Qeveria e presidentit sirian Bashar al-Assad kurrë nuk e ka pranuar publikisht se forcat iraniane veprojnë në emër të tij në luftën civile të Sirisë, duke thënë se Teherani ka vetëm këshilltarë ushtarakë në terren./ Përkthyer nga Reuters

TAG:
• Irani

Sondazhi i ditës:

Si ka qenë për ju viti 2024?

• I mirë

  44.2%

• I keq

  22.7%

• As i mirë as i keq

  33.1%

Vota total: 1503

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq